Aktualitet

Koncesioni i Sterilizimit me vlerë 100 mln euro, shtyhet seanca, shkak moslegjitimimi i avokatëve

Shkak për shtyrjen e seancës që do mbahet të mërkurën në orën 9:00, u bë moslegjitimimi i avokatëve.

3 Tetor 2023, 11:25 Nga A.B
Koncesioni i Sterilizimit me vlerë 100 mln euro, shtyhet seanca, shkak
Te akuzuarit

TIRANË- Shtyhet seanca për 6 nga 8 personat e akuzuar për dosjen e sterilizimit të cilët kanë ankimuar masat e sigurisë të dhëna nga Gjykata e Shkallës së Parë për Korrupsionin dhe Krimin e Organizuar. Shkak për shtyrjen e seancës që do mbahet të mërkurën në orën 9:00, u bë moslegjitimimi i avokatëve.

Ish-zv ministri i Shëndetësisë Klodian Rjepaj, biznesmeni që fitoi tenderin Ilir Rrapaj, Marsela Serjani, Saimir Kadiu, Arben Gjata dhe Genc Burazeri janë personat që kanë ankimuar masat në Apelin e Posaçëm. Ndërsa Naile Ajazi dhe Petro Mersini që ndodhen nën masën detyrim paraqitje nuk kanë bërë ankim.

Ish-zëvendësministri i Shëndetësisë Klodian Rrjepaj dhe biznesmeni Ilir Rrapaj u vunë në pranga në lidhje me koncesionin me vlerë 100 mln Euro të sterilizimit të mjeteve kirurgjikale për të cilin hetimet kanë nisur që para 3 vitesh. Po ashtu janë lëshuar edhe 8 urdhër arreste të lëshuara për rastin me vendim gjykate (GJKKO), për ish-zyrtarë të Ministrisë së Shëndetësisë: 2 persona “arrest me burg”, 2 “arrest shtëpiak” dhe 4 “detyrim paraqitje”. Për 4 ish-zyrtarë është caktuar masa e “detyrim paraqitje”, përkatësisht për Naile Ajazin, Arben Gjatën (Rektor i Universitetit të Mjekësisë), Genc Burazerin dhe Pertef Mersinin. Të katërt akuzohen për “falsifikim dhe shpërdorim detyre”. 2 ish-zyrtarë të tjerë të Ministrisë së Shëndetësisë u lanë në arrest shtëpie: Saimir Kadiu (drejtor ekonomik) dhe Marsela Serjanaj (drejtoreshë juridike)./Dosja.al

koncesioni i sterlizimit klodian rjepaj ilir rrapaj

Sondazh

Poll

MË SHUMË