Aktualitet

Protestë në Maliq/ Breshëri i prishi mollët, fermerët: Na ndihmoni ose largohemi nga vendi

Ditën e sotme fermerët e kësaj zone kanë dal në protestë për humbjen e prodhimit dhe dëmin e madh që i ka breshëri.

27 Shtator 2023, 10:01 Nga h.k
Protestë në Maliq/ Breshëri i prishi mollët, fermerët:
Foto nga protesta në Maliq

MALIQ-Reshjet e kësaj jave kanë dëmtuar prodhimet në shumë zona të vendit. Banorët e fshatit Burimas në bashkinë Maliq kanë përjetuar dëmtimin më të madh bujqësor. Ditën e sotme fermerët e kësaj zone kanë dal në protestë për humbjen e prodhimit dhe dëmin e madh që i ka breshëri.

Fermerët janë dëmtuar nga breshëri i dy ditëve më parë që ra në pjesën më të madhe të fushës së Korçës dhe Devollit. Banorët bëjnë thirrje për ndihmën e ministrisë, që në këto tre vite sipas atyre nuk ka dhënë asnjë ndihmë. Ata shprehen se kanë humbur 60 % të prodhimit dhe se ndodhen në një situatë të vështirë.

“Nëse dhe këtë vit nuk do të kenë mbështetjen e qeverisë, e vetmja rrugë që u mbetet është largimi nga vendi.”, deklaruan banorët.

Kujtojmë se nga e hëna e kësaj jave një pjesë e madhe fshatrave bujqësor në juglindje janë dëmtuar. Në zonat e referuara banorët jetojnë me prodhimin e frutor, i cili është kapitali i tyre i vetëm për të mbajtur familjen. Pas breshërit një pjesë e autoriteteve ka reaguar, por ende nuk ka një përgjigje të plotë për problemin e tyre.

moti i keq ne shqiperi fermeret

Sondazh

Poll

MË SHUMË