Aktualitet

'500 euro për të kaluar kufirin'/ Arrestohen dy persona për transport të paligjshëm të emigrantëve në Lezhë

Arrestimi i tyre është bërë në aksin rrugore 'Milot-Lezhë, në kuadër të operacionit të koduar 'Bllokada'. 

23 Shtator 2023, 09:06 Nga a.l
'500 euro për të kaluar kufirin'/ Arrestohen dy persona
Foto ilustruese

LEZHË- Dy persona janë arrestuar sot nga policia në Lezhë, pasi janë kapur duke transportuar emigrantë të paligjshëm kundrejt parave. Bëhet fjalë për personat e identifikuar me emrat, Kujtim Ukaj dhe Edmond Jaho, të cilët sipas policisë, u kishin premtuar 12 emigrantëve kalimin e kufirit, në këmbim të një pagese prej 500 euro secili. Arrestimi i tyre është bërë në aksin rrugore 'Milot-Lezhë, në kuadër të operacionit të koduar 'Bllokada'. 

NJOFTIMI I POLICISË: 

Lezhë

Finalizohet operacioni policor i koduar "Bllokada", për goditjen e një tjetër rasti të veprimtarisë kriminale të transportimit të emigrantëve, për kalim ilegal të kufirit.

Operacioni, nga specialistët e Seksionit për Hetimin e Trafiqeve të Paligjshme, shërbimet e Forcës së Posaçme “Shqiponja” dhe ato të Njësisë Operacionale, të Drejtorisë Vendore të Policisë Lezhë.

Bashkëpunëtorë për transportimin me 2 automjete, kundrejt 500 eurove/person, të 12 emigrantëve nga Vendet e Treta, kapen dhe vihen në pranga 2 shtetas.

Sekuestrohen 2 automjetet me të cilat kryhej transportimi.

Si rezultat i administrimit të menjëhershëm të informacioneve të siguruara nga inteligjenca policore, se dy shtetas po bashkëpunonin për të transportuar kundrejt pagesave, disa emigrantë që synonin të kalonin kufirin, ilegalisht, është finalizuar operacioni policor i koduar "Bllokada", si rezultat i të cilit u vunë në pranga shtetasit E. J., 45 vjeç, banues në Kavajë dhe K. U., 32 vjeç, banues në Krujë.

Në aksin rrugor “Milot-Lezhë”, janë lokalizuar dhe ndaluar për kontrolle, automjetet tip "Benz" dhe tip "Volksëagen", me drejtues shtetasit E. J. dhe K. U. Në këto automjete ishin në total, 12 emigrantë nga Vendet e Treta, të cilët po transportoheshin nga 2 të arrestuarit, kundrejt 500 eurove/person, me qëllim kalimin e kufirit, në mënyrë të kundërligjshme.

Me cilësinë e provës materiale, u sekuestruan automjetet tip "Benz" dhe tip "Volksëagen".

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.

kujtim ukaj edmond jaho

Sondazh

Poll

MË SHUMË