Sport

UEFA përcakton çmimet dhe datat, kur nis aplikimi online për biletat në “Euro 2024”...

UEFA do të nxjerrë në shitje 1.2 milionë bileta për “Euro 2024” që do të zhvillohet në Gjermani, duke nisur nga data 3 tetor. Tifozët në të gjithë globin do t’u jepet e njëjta mundësi për të aplikuar përmes platformës zyrtare të biletave në UEFA: EURO2024.com/tickets.

22 Shtator 2023, 10:30 Nga DOSJA
UEFA përcakton çmimet dhe datat, kur nis aplikimi online për

ZVICER - UEFA ka zhvilluar një program për shitjen e biletave, duke vendosur tifozët në radhë të parë. Më shumë se 80% e 2.7 milionë biletave, do të jenë në dispozicion për tifozët e ekipeve pjesëmarrëse dhe publikun e gjerë.

Një milion bileta do të jenë në dispozicion me një çmim që fillon nga 30 euro dhe nuk i kalon 60 euro. Mbi 1.2 milion bileta do të jenë të disponueshme në periudhën e aplikimit nga 3 tetori më 26 tetor 2023 dhe tifozët tashmë mund të krijojnë llogarinë e tyre të biletave dhe të jenë gati kur të fillojë procesi i aplikimit.

Edhe 1 milion bileta të tjera do të shiten në bashkëpunim të ngushtë me federatat përkatëse për tifozët e ekipeve pjesëmarrëse pas shortit të turneut final më 2 dhjetor të këtij viti. Mundësia më e mirë për të parë nga afër ndeshje të “Euro 2024” në stadium është të aplikoni për bileta nga data 3 deri më 26 tetor 2023.

Çdo aplikant do të ketë të njëjtat shanse suksesi për bileta, pavarësisht se kur bëhet aplikimi i tyre. Struktura e çmimeve të biletave për “Euro 2024” mbetet e përballueshme për sa më shumë tifozë.

Gjithsej 270.000 bileta do të jenë në dispozicion për 30 € dhe për të fundit 10.000 bileta do të jenë në dispozicion për më pak se 100 euro.

B.T (Dosja.al)

Sondazh

Poll

MË SHUMË