Aktualitet

VIDEO/ Tentoi të grabiste në banesën e një të moshuare gjatë natës, arrestohet 38-vjeçari në Dropull

Pas njoftimit se një shtetas ishte futur për të vjedhur në banesën e një shtetaseje të moshuar që jetonte e vetme, në fshatin Jorgucat, Policia ka organizuar punën dhe kanë shkuar në këtë adresë.

21 Shtator 2023, 14:38 Nga A.B
VIDEO/ Tentoi të grabiste në banesën e një të moshuare
Momenti i arrestimit

DROPULL- Manxhar Caushi është vënë në pranga nga Policia. Pas njoftimit se një shtetas ishte futur për të vjedhur në banesën e një shtetaseje të moshuar që jetonte e vetme, në fshatin Jorgucat, Policia ka organizuar punën dhe kanë shkuar në këtë adresë. Si rezultat i veprimeve të shpejta, shërbimet e Policisë kanë kapur në flagrancë, në banesën e 86-vjeçares, Caushin, banues në Libohovë. 


 NJOFTIMI I POLICISË:

Tentoi të vidhte në banesën e një shtetaseje të moshuar, gjatë natës, falë reagimit të menjëhershëm të shërbimeve të Policisë, kapet në flagrancë në banesën e 86-vjeçares dhe vihet në pranga 38-vjeçari. 38-vjeçari i arrestuar, me precendent të mëparshëm penal për dhunë në familje dhe për krime të tjera kundër personit.

Shërbimet e Stacionit të Policisë Dropull-Libohovë, menjëherë pas njoftimit se një shtetas ishte futur për të vjedhur në banesën e një shtetaseje të moshuar që jetonte e vetme, në fshatin Jorgucat, kanë organizuar punën dhe kanë shkuar në këtë adresë. Si rezultat i veprimeve të shpejta, shërbimet e Policisë kanë kapur në flagrancë, në banesën e 86-vjeçares, shtetasin M. Ç., 38 vjeç, banues në Libohovë. Në përfundim të veprimeve, shtetasi M. Ç. u arrestua në flagrancë, për veprën penale “Vjedhja”, mbetur në tentativë. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

dropull manxhar caushi

Sondazh

Poll

MË SHUMË