Politike

Takimi Berisha-Bardhi në Kukës, Salianji gjatë mbledhjes: Kush voton pro qeverisë, të përjashtohet nga grupi i PD

Salianji është shprehur i prerë në qëndrimin e tij, ndërsa theksoi se kushdo që voton pro qeverisë, duhet të përjashtohet nga grupi i PD.

19 Shtator 2023, 13:42 Nga a/b
Takimi Berisha-Bardhi në Kukës, Salianji gjatë mbledhjes: Kush
Ervin Salianji

KUKËS- Takimi i përbashkët në Kukës, me nismë të Gazment Bardhit dhe prani të kryetarit të PD-së, Sali Berisha, është shoqëruar me diskutime. 

I pranishëm në këtë tryezë ishte dhe deputeti demokrat, Ervin Salianji, i cili nënvizoi rëndësinë që opozita të ketë një qëndrim të qartë për reformën zgjedhore. Salianji është shprehur i prerë në qëndrimin e tij, ndërsa theksoi se kushdo që voton pro qeverisë, duhet të përjashtohet nga grupi i PD.

“Të kemi qëndrim të qartë për reformën zgjedhore, ka vite që jam shprehur për lista të hapura, por duhet të qartësojmë “pazarin” për lista me primaret. Kushdo që voton pro qeverisë dhe bashkohet me ta në kundërshtim me vullnetin e shumicës së grupit parlamentar të PDSH duhet të përjashtohet nga grupi. Formacionet ndihmës-qeveritare nuk mund të kamuflohen si deputetë opozitarë”, mësohet të jetë shprehur Salianji./Dosja.al

ervin salianji pd 19 shtator 2023

Sondazh

Poll

MË SHUMË