Sport

“Topçinjtë” ikin nga “Goodison” me golin e Trossardit, Everton - Arsenal 0-1!... (video)

Me Leandro Trossard që gjeti rrjetën me një goditje fantastike në minutën e 69-të, Arsenali doli nga “Goodison Park” me një fitore 1-0 ndaj Evertonit dhe u ngjit në vendin e dytë në tabelën e Premier League.

17 Shtator 2023, 21:24 Nga DOSJA
“Topçinjtë” ikin nga “Goodison” me golin e

ANGLI - “Goodison Park” ka qenë një shtëpi jomikpritëse për Arsenalin vitet e fundit dhe këtë e ka treguar fakti, se suksesi i tyre i fundit atje ishte në tetor 2017, kur Arsene Wenger ishte ulur në stolin e “Topçinjve”.

Sezonin e kaluar ata u mundën 1-0 në debutimin e Sean Dice në krye, por këtë vit skuadra e Mikel Artetës ishte në gjendje të ikte nga Liverpool me një fitore 1-0, falë golit të artë të Trossard në minutën e 69-të për ndeshjen e 5-të të Premier League.

Ndeshja nuk pati shumë faza të mëdha, ku Everton luajti një lojë tepër mbrojtëse që kërkonte të mbronte terrenin e tyre dhe pjesa e parë e gjeti Arsenalin të bllokuar, por edhe të prekur nga dëmtimi i Martinellit dhe largimi i detyruar nga fusha në minutën e 24-t.

Megjithatë, në pjesën e dytë, londinezët i shtuan përpjekjet dhe në minutën e 69-të buzëqeshën. Saka e dërgoi topin në zemrën e mbrojtjes kundërshtare, ku Trossard e dërgoi topin në rrjetë.

Evertoni më pas nuk kishte se si të përgjigjej dhe Arsenali nuk mundi të gjente një gol të dytë, pavarësisht se kishte shanse për ta bërë këtë. Me 1-0 që i la të lumtur londinezët, pasi ata ngjiten në vendin e dytë dhe shkojnë me tjetër moral në ndeshjen kundër Eindhoven (premiera e Champions League) dhe Tottenham (dita e 6-të e Premier League).

B.T (Dosja.al)

Sondazh

Poll

MË SHUMË