Sport

'Konflikt' me trajnerin, ndërkombëtari Sancho do largohet në janar nga “Old Trafford”...

Ndërkombëtari i "Tre Luanëve", i cili u mor nga Borussia Dortmund e Gjermanisë në vitin 2021, hyri në një mosmarrëveshje publike me Ten Haag.

12 Shtator 2023, 08:30 Nga DOSJA
'Konflikt' me trajnerin, ndërkombëtari Sancho do largohet

ANGLI - Jaden Sancho do të duhet të largohet nga Manchester United në afatin kalimtar të janarit, pas bisedimeve të reja me trajnerin Eric ten Haag, të cilat nuk çuan në gjetjen e një zgjidhjeje për situatën aktuale problematike, informon gazeta “Mirror”. 

Ndërkombëtari i "Tre Luanëve", i cili u mor nga Borussia Dortmund e Gjermanisë në vitin 2021, hyri në një mosmarrëveshje publike me Ten Haag. Ai gjithashtu u la jashtë humbjes së Manchester United në raundin e katërt të Premierligës ndaj Arsenalit.

Sipas burimit, vendimi për të ardhmen e 23-vjeçarit Sancho tashmë është marrë dhe ai do të duhet të kërkojë një ekip të ri në fillim të vitit të ardhshëm, ndoshta duke u dërguar fillimisht në një klub tjetër si huazim. 

Eric ten Haag ka bërë të ditur se futbollisti nuk është futur në skuadër për shkak të paraqitjes së dobët në stërvitje, ndërsa Jaden Sancho e ka mohuar këtë me një postim në rrjetet sociale dhe ka thënë se ai ishte një “kokë turku”. Besimi mes të dyve tashmë është shkatërruar dhe të dy nuk mund të rivendosin marrëdhëniet e tyre të mira, pohon “Mirror”.

Trajneri i Manchester United u befasua nga reagimi i Sanchos dhe mbeti i shqetësuar nga vendimi i lojtarit për të dalë publikisht me problemet e tij. Raporti i “Daily Star” shton se besimi mes dyshes tani është përtej riparimit, me lojtarin dhe menaxherin të paaftë për të shëruar marrëdhënien e tyre të thyer.

B.T (Dosja.al)

Sondazh

Poll

MË SHUMË