Sport

Roberto Martínez miraton transferimin e Joao Félix te Barcelona…

Trajneri i kombëtares portugeze është shprehur se "ai përshtatet shumë mirë me idenë e Barçës dhe Xavi".

11 Shtator 2023, 17:51 Nga DOSJA
Roberto Martínez miraton transferimin e Joao Félix te

PORTUGALI - Roberto Martínez, foli për Joao Félix në konferencën për shtyp para ndeshjes së sotme të Portugalisë kundër Luksemburgut  (20:45). 

Trajneri i kombëtares portugeze dha dritën jeshile për transferimin e sulmuesit në klubin e Barçës.  Ai konfirmoi se ish-lojtari i Atlètico Madridit është shumë i lumtur në klubin e tij të ri dhe se ai përshtatet në mënyrë të përkryer në sistemin e Barçës.

Ish-trajneri i Belgjikës donte të nënvizonte se Joao është shumë i kënaqur me kalimin e tij te Barça: "Siç e thashë, kjo periudhë përzgjedhjeje është gjithmonë e vështirë për shkak të përfundimit të tregut të transferimeve. Është një moment disi i paqëndrueshëm, por tani kam ka parë lojtarë si  Joao Félix, të cilët janë shumë të emocionuar. Ai është i kënaqur me mundësinë që iu ofrua."

Ai shtoi gjithashtu se lojtari i huazuar nga Atlético Madrid përshtatet në mënyrë të përkryer në sistemin e Barçës: "Ai është një lojtar me një kapacitet teknik shumë të lartë. Një lojtar që kupton hapësirën dhe kohën si pak të tjerë dhe që përshtatet në mënyrë të përsosur me idetë e Barçës dhe Xavit.

Trajneri, i cili e la sulmuesin pa luajtur në ndeshjen e parë kundër Sllovakisë, e mbylli temën e Joao Félix, duke mbrojtur idenë se sa e rëndësishme është nënshkrimi i ri i Barçës për ekipin portugez: “Për ne është e rëndësishme që ai ishte pjesë e ekipit. Ndoshta jo në këtë përqendrim, sepse i mungon ritmi, por jam i sigurt se do të jetë themelor në katër ndeshjet e ardhshme”.

B.T (Dosja.al)

Sondazh

Poll

MË SHUMË