Aktualitet

U pagua të shërojë magjinë e gruas që dhunonte burri në Burrel, Popaj: Më kërkoi ndihmë për gruan e tij

Ai ka pranuar se ishte paguar nga Dario Bruçi për të ndihmuar gruan e tij, madje shton se komunikimi mes tyre ka nisur që në vitin 2022.

6 Shtator 2023, 12:21 Nga A.B
U pagua të shërojë magjinë e gruas që dhunonte burri
Kujtim Popaj

TIRANË- Kujtim Popaj, i cili u ndalua nga Policia pasi u pagua të shërojë magjinë e gruas që dhunonte burri në Burrel, ka dhënë dëshminë e tij për mediat në Shqipëri. 

Ai ka pranuar se ishte paguar nga Dario Bruçi për të ndihmuar gruan e tij, madje shton se komunikimi mes tyre ka nisur që në vitin 2022. Ai shton se nuk ka parë asnjë shenje dhune mes çiftit, e se gruaja nuk i ka komunikuar se ishte e dhunuar. 

“Misioni i jetës sime përcillet rreth përdorimit të emrit hyjnor të Allahut për të nxitur shërimin dhe mirëqenien mes atyre në nevojë. Ky person më ka kontaktuar përmes rrjetit social Facebook në datën 3 qershor 2022 me kërkesën për të biseduar me mua përmes thirrjes. Gjatë bisedës ai më ka njoftuar se gruaja e tij nuk ndihet mirë dhe se ka probleme ku edhe më ka dërguar disa video duke thënë: Shiko si është gjendja në familjen time dhe gruan time. Ai ka hezituar që të vijë tek Teqja ime në Kosovë dhe më ka bërë kërkesë të veçantë që t’i vizitoj në Shqipëri.

Unë kam shkuar atje vetëm një herë dhe kam punuar me lutjet e mia fetare të cilat çdo person i cili është në këtë rrugë i kupton dhe i njeh. Puna ime ka pasur të bëjë vetëm me gjendjen shpirtërore dhe emocionale të gruas së personit në fjalë dhe nuk kam parë ndonjë shenjë dhune apo edhe nuk më ka njoftuar gruaja e tij përmes bisedës se diçka e tillë ka ndodhur”, thotë ai për Report Tv.  

Më tej ai vijon:

"Mjeti i paraqitur në video është një pjesë e një procesi shpirtëror që përdoret për të pastruar shpirtin nga energjia negative dhe për të ofruar ngushëllim dhe qetësi për individët e prekur nga sihr (vuajtje shpirtërore). Ky proces është i rrënjosur thellë në besim dhe mirëqenie shpirtërore, duke synuar të ndihmojë ata që kanë nevojë të gjejnë paqe dhe shërim. Nuk shoqërohet me dhunë apo dëmtim në asnjë mënyrë", thotë ai për Report Tv.  

dario bruci mat

Sondazh

Poll

MË SHUMË