Sport

Pulisic xheloz për Messin? Amerikani u dërgon një mesazh të pranishmëve të famshëm në ndeshjen e Inter Miami

“Captain America” deklaron me sarkazëm, se dikush duhet t'u thotë atyre se mund të ndjekin edhe lojërat e kombëtares së SHBA-së.

6 Shtator 2023, 07:30 Nga DOSJA

SHBA - Lista e personazheve të famshëm që ndoqën ndeshjen e Lionel Messit me Inter Miami në Los Angeles kundër LAFC, u bë virale në mediat sociale. Princi Harry, Selena Gomez, Tom Holland, LeBron James, Leonardo DiCaprio, ndër disa të tjerë, morën pjesë në stadiumin BMO për të parë argjentinasin.

Dhe ylli i USMNT, Christian Pulisic, shfrytëzoi momentin për të mbrojtur skuadrën e tij. “Captain America” deklaroi me sarkazëm, se dikush duhet t'u thotë se mund të ndjekin edhe lojërat e kombëtares së SHBA-së.

Lojtari 24-vjeçar i AC Milan postoi një video në historitë e Instagramit, të shpërndara fillimisht nga llogaritë zyrtare të mediave sociale të MLS, të personazheve të ndryshëm të famshëm që u shfaqën në stadiumin BMO për performancën e parë të Messit në Los Angeles.

Pulisic xheloz për Messin? Amerikani u dërgon një mesazh të

“Se e dinë se janë të ftuar edhe në ndeshjet e Kombëtares së Shteteve të Bashkuara të Amerikës”, ka shkruar ai si nëntitull.

Skuadra e Shteteve të Bashkuara të Amerikës rikthehet në fushë më 9 dhe 12 shtator për t'u përballur përkatësisht me Uzbekistanin dhe Omanin. Duelet do të zhvillohen në “City Park” në St.Louis dhe në “Allianz Field” në Minesota.

B.T (Dosja.al)

Sondazh

Poll

MË SHUMË