Aktualitet

Sherri për një borxh 25 mijë euro, dalin detajet për plagosjen e 49-vjeçarit në një lokal në Kavajë

Policia ka identifikuar autorët, dhe i ka shpallur në kërkim.

23 Gusht 2023, 21:50 Nga m.s
Sherri për një borxh 25 mijë euro, dalin detajet për
policia

KAVAJË- Detaje të reja janë zbuluar në lidhje me një sherr mes tre personave në Kavajë, ku për pasojë një mbeti i plagosur. Shkak është bërë një borxh prej 25 mijë euro. Danjel Habibi i ka pasur borxh 25 mijë euro 49-vjeçarit Zenel Lushkja.

Ky i fundit ka marrë plagë në dorë dhe në këmbë. Në debat e sipër bëhet me dije se 49-vjeçari i revoltuar e ka goditur me grusht.

Në momentin kur ka ndodhur ngjarja, kanë qenë në lokal dhe persona të tjerë, të cilët kanë ndërhyrë për të shuar sherrin. Disa orë më vonë janë konfliktuar sërish dhe 49-vjeçarit i kanë goditur edhe makinën. Policia ka identifikuar autorët, dhe i ka shpallur në kërkim.

Njoftimi i policisë:

Kavajë/Informacion paraprak

Rreth orës 20:15, në lagjen nr. 1 Kavajë, dyshohet se shtetasit D. H., 23 vjeç , dhe Q. B., rreth 35 vjeç,  janë konfliktuar me sende të forta me shtetasin Z. L., 49 vjeç. Si pasojë e konfliktit shtetasi Z. L., është dëmtuar dhe po merr ndihmën mjekësore në spitalin e Kavajës, jashtë rrezikut për jetën.  Shërbimet e Policisë po kontrollojnë zonën për lokalizimin dhe kapjen e dy autorëve të dyshuar. Grupi hetimor nën drejtimin e Prokurorisë ndodhet në vendngjarje dhe vijon punën për sqarimin e rrethanave dhe dokumentimin ligjor të ngjarjes.

plagosja kavaje

Sondazh

Poll

MË SHUMË