Sport

Carlos Tevez ka gjetur një ekip të ri! Ja kë ekip do të stërvisë ish-sulmuesi argjentinas...

Carlos Tevez (39 vjeç) vazhdon karrierën e tij si trajner në një ekip të ri, pasi ka “varur këpucët” në fillim të vitit 2022.

23 Gusht 2023, 12:30 Nga DOSJA
Carlos Tevez ka gjetur një ekip të ri! Ja kë ekip do të

ARGJENTINE - Sezonin e kaluar, ish-sulmuesi i Argjentinës drejtoi Rosario Central, një skuadër në ligën e parë në vendin e tij, deri në nëntor kur vendosi të ndërpresë kontratën me skuadrën e njohur latino-amerikane të Rosarios.

Raportohet se Carlos Tevez nënshkroi një kontratë për një sezon me Independiente, një skuadër në ligën e parë të futbollit argjentinas. Për momentin, Independiente është në vendin e 24-të në renditjen e divizionit të parë të Argjentinës (nga 28), pas 27 ndeshjeve të luajtura, ku ka grumbulluar vetëm 28 pikë. 

Në karrierën e tij si lojtar, Tevez ishte një sulmues i suksesshëm dhe luajti për disa nga klubet më të rëndësishme të “Kontinentit të Vjetër”. Argjentinasi luajti në Evropë për Juventusin (96 ndeshje, 50 gola, 19 asistime), Manchester United (99 ndeshje, 34 gola, 14 asistime), Manchester City (148 ndeshje, 73 gola, 35 asistime) dhe West Ham (29 ndeshje, 7 gola, 4 asistime).

Jashtë Evropës, Tevez luajti edhe për Corinthians (15 ndeshje, 5 gola), Shanghai Shenhua (20 ndeshje, 4 gola, 5 asistime) dhe Boca Juniors (269 ndeshje, 94 gola, 37 asistime), ekip nga i cili u nda 3 herë.

B.T (Dosja.al) 

Sondazh

Poll

MË SHUMË