Sport

Dy gjigantë evropianë zbarkojnë dhe "trokasin te dera" e Marco Verrattit!

I ndjekur nga afër nga Al Hilal, mesfushori italian i Paris Saint-Germain, Marco Verratti është në syrin e dy emrave të mëdhenj të kontinentit të vjetër.

20 Gusht 2023, 13:07 Nga DOSJA
Dy gjigantë evropianë zbarkojnë dhe "trokasin te dera"

FRANCE - A do të jetë Marco Verratti ‘teka’ e re e Arabisë Saudite? Pasi ka shpenzuar rreth 90 milionë euro për të siguruar shërbimet e Neymar, klubi i Al Hilal ëndërron të tërheqë në rrjetat e tij edhe 30-vjeçarin italian. 

Javët e fundit, skuadra saudite ka arritur një marrëveshje me ndërkombëtarin italian, me kontratë të vitit 2026 në kryeqytet, por jo me drejtuesit parizienë, të cilët janë shumë të pangopur, të vetëdijshëm për mundësinë për të realizuar një operacion të ri të madh dhe për të rimbushur arkat. Për momentin, negociatat vazhdojnë, ndërsa armët e mëdha evropiane mund të shkojnë në sulm.

Bayern dhe Manchester United në lojë?

Në të vërtetë, sipas informacioneve nga e përditshmja “L'Équipe”, ish-lojtari i Pescaras ende kënaqet në kontinentin e vjetër dhe dy skuadra po e ndjekin nga afër. Bëhet fjalë për Manchester United dhe Bayern Munich, që stërvitet nga Thomas Tuchel, i cili e ka njohur Verrattin gjatë kohës së tij në pankinën e PSG-së. 

Për momentin nuk është përmendur asnjë ofertë, por fundi i merkatos së transfertave (1 shtator) ka ende disa surpriza të këndshme. Në moshën 30-vjeçare, ai është në një pikë kthese në karrierën e tij dhe i munguar në grup ditën e djeshme për ndeshjen kundër Toulouse, ai ka një shans për të bërë një operacion larg “Parc des Princes”.

B.T (Dosja.al)

Sondazh

Poll

MË SHUMË