Sport

Gjyqtari i ndeshjes së Partizanit në Kazakistan, ka gjykuar edhe më parë klube shqiptare!

Duke parë edhe rëndësinë e kësaj përballjeje, UEFA ka vendosur edhe për gjyqtarët që do të vendosin drejtësi në sfidën e parë mes tyre në “play-off”. Një skuadër skocezë do të gjykojë kryeqytetasit në duelin me kazakët.

20 Gusht 2023, 09:05 Nga DOSJA
Gjyqtari i ndeshjes së Partizanit në Kazakistan, ka gjykuar edhe

TIRANE - Më 24 gusht Partizni do të luajë në transfertën kazake ndaj Astanas, sfidën e parë të fazës së “play-off” të Conference League. Kjo përballje do të jetë shumë e luftuar, me të kuqtë që do të bëjnë maksimumin për të prekur grupet e këtij kompeticioni.

Duke parë edhe rëndësinë e kësaj përballjeje, UEFA ka vendosur edhe për gjyqtarët që do të vendosin drejtësi në sfidën e parë mes tyre në “play-off”. Një skuadër skoceze do të gjykojë kryeqytetasit në duelin me kazakët.

Gjithçka do të kryesohet nga Donald Robertson, i cili do të ndihmohet nga Calum Spence dhe Daniel McFarlane. Gjyqtar i katërt do të jetë Grant Irvine.

Kujtojmë se Robertson ka nisur aktivitetin e tij në Europë në viti 2019, ndërsa me stemën e FIFA-s është paisur në vitin 2017. Në fakt 36-vjeçari është një emër i njohur për shqiptarët, pasi ka vendosur drejtësi në sfidën mes Nome Kalju dhe Shkëndijës së Tetovës, më 9 korrik 2019.

B.T (Dosja.al)

Sondazh

Poll

MË SHUMË