Sport

Nuk ka qetësi te Flamengo! Kësaj here kërcet grushti në stërvitje midis futbollistëve…

Nga një përplasje loje, mosmarrëveshja do të kishte vazhduar më pas jashtë fushës, pas largimit të të dyve. Ish-lojtari i Romës dhe Fiorentinës ka goditur vazhdimisht partnerin e tij, para ndërhyrjes së lojtarëve të tjerë.

16 Gusht 2023, 08:00 Nga DOSJA
Nuk ka qetësi te Flamengo! Kësaj here kërcet grushti në
Uruguajani Varela (majtas) dhe braziliani Gerson

BRAZIL - Nuk ka paqe në Flamengo, skuadra më e njohur e Brazilit. Në fund të muajit të kaluar, futbollisti Pedro u godit me shuplakë dhe grusht nga një trajner atletik argjentinas, i cili u shkarkua në ditët në vijim. 

Tani i takon mesfushorit Gérson, ish-lojtar i Romës dhe Fiorentinës, të jetë protagonist i një tjetër sherri, në stërvitjen në prag të ndeshjes së dytë të Kupës së Brazilit kundër Grêmios. Gérson u përlesh me grushta me mbrojtësin e krahut uruguaian Varela, i cili pësoi më të keqen: një thyerje të hundës.

Lajmi fillimisht publikohet në “globoesporte.com” dhe më pas konfirmohet nga faqe dhe televizorë të tjerë brazilianë. Vetë Flamengo ka lëshuar një deklaratë, duke thënë se episodi është zgjidhur nga brenda, pa specifikuar nëse të dy do të ndëshkohen. 

Gerson iu afrua shumë Varelës në stërvitje, mbrojtësit uruguaian nuk i pëlqeu dhe u ankua te qendërmbrojtësi Pablo. I zemëruar, Gérson kontestoi Varelën. Të dy u përjashtuan nga stërvitja dhe u zhvendosën në brendësi të qendrës sportive. 

I shqetësuar, Varela filloi t'i bërtiste Gersonit, i cili u përgjigj: "Nuk po flas as me ty". Uruguajani u kthye nga mesfushori, tentoi të godiste Gersonin, dhe këtu kërciti grushti. Duket se fillimisht askush nuk ka tentuar t'i ndajë, por më pas janë shfaqur disa shokë për t'i dhënë fund sherrit. Kontrollet në spital më pas konfirmuan: Varela ka thyer hundën.

Pas shkarkimit të trajnerit argjentinas Pablo Fernández për shkak të sulmeve ndaj Pedros, episodi i ri i dhunës vjen në një moment shumë delikat për kuqezinjtë nga Rio, pasi javën e kaluar Flamengo është eliminuar edhe nga Copa Libertadores në raundin e 16-të nga skuadra paraguajane Olimpia. 

Nuk ka qetësi te Flamengo! Kësaj here kërcet grushti në
Trajneri Jorge Sampaoli

Për të rivendosur pak paqen në ekipin më të dashur të Brazilit, tani na duhet një rezultat i mirë në shtëpi këtë të mërkurë në mbrëmje kundër Grêmios. Nëse Flamengo nuk shkon në finale të Copa do Brasil, do të ketë një tragjedi të vërtetë. Më së paku, kjo mund t'i kushtojë detyrën e trajnerit argjentinas Jorge Sampaoli, i kritikuar shumë nga gazetarët dhe tifozët kuqezi.

B.T (Dosja.al)

Sondazh

Poll

MË SHUMË