Politike

Kryeministrja italiane Giorgia Meloni mbërrin në Vlorë, pritet nga Rama

Meloni do të qëndrojë për pushime në Vlorë për afro 2-3 ditë së bashku me familjen e saj. Për vizitën e Melonit, në Portin e Vlorës janë shtuar forca të shumta policie.

14 Gusht 2023, 17:27 Nga m.s
Kryeministrja italiane Giorgia Meloni mbërrin në Vlorë, pritet
makinat e policise ne Vlore gjate pritjes se kryeministres italiane

Sikundër ishte paralajmëruar, kryeministrja e Italisë, Giorgia Meloni, ka mbërritur pasditen e sotme në Vlorë, ku është pritur nga Edi Rama.

E nisur nga qyteti i Puglias, kryeministrja Italiane mbërriti në Vlorë nëpërmjet një lundrimi disa orësh me traget. Afro 8 orë lundrim me tragetin “Prince” në pronësi të një kompanie shqiptare, kryeministrja e Italisë, Giorgia Meloni ka mbërritur pasditen e kësaj të hëne në Vlorë.

Pas mbërritjes në port, Meloni dhe Rama i janë drejtuar vilave qeveritare.

Meloni do të qëndrojë për pushime në Vlorë për afro 2-3 ditë së bashku me familjen e saj. Për vizitën e Melonit, në Portin e Vlorës janë shtuar forca të shumta policie.

Giorgia Meloni i është përgjigjur ftesës së Ramës, i cili pak ditë më parë tha për mediat italiane se e ka ftuar kryeministren italiane që të pushojë në Shqipëri.

giorgia meloni edi rama vlore

Sondazh

Poll

MË SHUMË