Bota

Atentati ndaj kandidatit persidencial në Ekuador, një nga autorët e dyshuar transferohet në burgun e sigurisë së lartë

Kandidati për zgjedhjet e ardhshme presidenciale në Ekuador, Fernando Villavicencio është ekzekutuar me 3 plumba në kokë gjatë një tubimi të fushatës. Gjithashtu si pasojë e të shtënave me armë janë plagosur nëntë persona, duke përfshirë një kandidat për asamble dhe dy policë. 

13 Gusht 2023, 17:52 Nga a.l
Atentati ndaj kandidatit persidencial në Ekuador, një nga autorët
Fernando Villavicencio

EKUADOR- Një nga autorët kryesorë të dyshuar për vrasjen disa ditë më parë të kandidatit presidencial në Ekuador, Fernando Villavicencio është transferuar sot nga autoritetet në burgun e sigurisë së lartë. Bëhet fjalë për një nga anëtarët e një prej bandave më të fuqishme të vendit.  Presidenti Guillermo Lasso tha se zhvendosja e liderit të Los Choneros Adolfo Macías, alias "Fito", kishte për qëllim "sigurinë e qytetarëve dhe të burgosurve".

Rreth 4,000 ushtarë dhe oficerë policie bastisën burgun ku mbahej Macías të shtunën dhe konfiskuan armë, municione dhe eksplozivë, shkruajnë mediat e huaja.

Kandidati për zgjedhjet e ardhshme presidenciale në Ekuador, Fernando Villavicencio është ekzekutuar me 3 plumba në kokë gjatë një tubimi të fushatës. Gjithashtu si pasojë e të shtënave me armë janë plagosur nëntë persona, duke përfshirë një kandidat për asamble dhe dy policë. 

Si organizator i punës dhe më pas gazetar, Villavicencio kishte qenë prej kohësh i ekspozuar ndaj kërcënimeve për shkak të akuzave të tij të ashpra dhe të dokumentuara me përpikëri për korrupsion që synonin disa nga emrat më të mëdhenj në krijimin politik dhe financiar të Ekuadorit.

fernando villavicencio ekuador

Sondazh

Poll

MË SHUMË