Sport

Michael Jordan dhe biznesi i tij i dështuar: më shumë se një dekadë për të shitur rezidencën e tij në Çikago... të gjithë "frikësohen"

Ylli i basketbollit është përpjekur ta shesë shtëpinë e tij që nga viti 2012

12 Gusht 2023, 15:11 Nga DOSJA
Michael Jordan dhe biznesi i tij i dështuar: më shumë se një

SHBA - Michael Jordan lindi në Nju Jork, u rrit dhe u arsimua në Karolinën e Veriut dhe erdhi të jetojë në Çikago. Në qytetin e Illinois, ai zhvilloi një pjesë të madhe të karrierës së tij sportive, në atë që konsiderohet nga shumë si karriera më e mirë e një lojtari NBA. 

Si mund të ndodhte ndryshe, falë një trashëgimie të jashtëzakonshme që formoi me veprimet e tij në oborr dhe në botën e sportit, ai fitoi një pallat në veri të qytetit, më konkretisht në Highland Park.

Kjo shtëpi e re për 'Mike' u ble në vitin 1991, megjithëse ai e përfundoi reformimin e saj në 1995, vit në të cilin u kthye nga basketbolli për të përballuar periudhën e tij të dytë me Chicago Bulls. Prej një dekade (2012) është nxjerrë në shitje, por asnjëherë nuk ka mundur ta shesë për mungesë interesi nga blerësit .

Një rezidencë 'made in' Jordan

Legjenda e basketbollit vendosi çmimin në 29 milionë dollarë, por i është dashur të ulte në mënyrë progresive çmimin deri më tani, që është pak më pak se 15 milionë dollarë.  Rezidenca ka nëntë dhoma gjumi, 15 banja, një fushë basketbolli, një fushë tenisi, palestrën e vet dhe një kinema në 5.000 metra të brendshëm dhe 2.8 hektarë të jashtëm.

Në portën kryesore është një numër 23, një element i qartë se je në shtëpinë e 'Air Jordan'. Kjo mund të jetë një nga arsyet e mos shitjes, pasi një shtëpi kaq e veçantë dhe e detajuar, do të largonte disa investitorë nga blerja përfundimtare e pallatit. 

Përveç moszhbllokimit të operacionit, në prill të këtij viti, një 18-vjeçar hyri në pallat dhe shfaqi brendësinë e saj në një video, që u bë virale në TikTok. Për këtë arsye, ai përballet me disa akuza në sistemin e drejtësisë të Amerikës së Veriut.

B.T (Dosja.al)

Sondazh

Poll

MË SHUMË