Sport

Ndryshojnë gjërat, Tottenham rrit kërkesat dhe e detyron Harry Kane… të kthehet. Sulmuesi anglez mbetet në aeroport...

Shtypi anglez raporton se Spurs, duan para për transferimin dhe jo bonuse…

11 Gusht 2023, 19:55 Nga DOSJA
Ndryshojnë gjërat, Tottenham rrit kërkesat dhe e detyron Harry

ANGLI - Pasi mori lejen nga Tottenham për të udhëtuar drejt Gjermanisë dhe për të nënshkruar me Bayern Munich, gjithçka u duk e zgjidhur me transferimin e Harry Kane. Ose të paktën... deri tani. 

Mirëpo, sipas shtypit anglez këtë të premte, Spurs vendosën të rikthehen në marrëveshje dhe nuk e lanë ndërkombëtarin anglez të hipte në avion.

Sipas ‘The Sun’, lojtari është vënë në dijeni për këtë vendim kur ishte nisur për në aeroportin e Stansted, në një moment kur po përgatitej të shkonte në Munich me synimin për të kryer ekzaminimet e zakonshme mjekësore dhe për të firmosur për bavarezët.

E përditshmja britanike shpjegon, se Tottenham synon të marrë 127 milionë euro për transferimin në para të gatshme, ndërsa klubet në një fazë të hershme kishin arritur një marrëveshje tjetër, në të cilën Bayern do të paguante rreth 100 milionë euro në para dhe 20 të tjera milionë euro përmes përmbushjes së objektivave të caktuara.

Harry Kane, duhet theksuar, është ende në pritje të një vendimi përfundimtar, pasi kishte supozuar tashmë se ai synonte të udhëtonte në Gjermani gjatë ditës së sotme. Koha fillon të iki...

B.T (Dosja.al)

Sondazh

Poll

MË SHUMË