Sport

Asinga, që befasoi me rekordin e tij botëror në 100 m për U-20, pezullohet për doping...

Atleti 18-vjeçar nga Suriname, e cili vendosi rekordin e kategorisë U-20 në garën e 100 metrave me kohën 9.89 në fund të korrikut, ka rezultuar pozitiv.

11 Gusht 2023, 19:08 Nga DOSJA
Asinga, që befasoi me rekordin e tij botëror në 100 m për

SHBA - Vetëm dy javë para fillimit të Kupës së Botës, atleti nga Suriname, Issamade Asinga është pezulluar përkohësisht nga Njësia e Integritetit të Atletikës, pasi ka rezultuar pozitiv, për një substancë të ndaluar në një kontroll antidoping.

Asinga, 18 vjeç, kishte impresionuar këtë sezon me kohën e tij në 100 metra. Në fakt, me kohën 9.89 që arriti në Sao Paulo gjatë kampionatit të Amerikës së Jugut, sprinteri kishte thyer rekordin botëror U-20 për distancën, duke ulur me 3 të qindtat rekordin e mëparshëm për kategorinë, të cilin e mbante po në vitin 2022 në Botswana Tebogo me kohën 9.91.

Kjo pikë e kishte lejuar atë të renditej i katërti në renditjen botërore të vitit në 100 metra, i barabartë me Blake, Austin dhe Lindsey. Në 200 metra, ai kishte vrapuar në 19.97 në prill.

Me këtë pezullim provizor, që ndoshta do të sjellë edhe mosratifikimin e rekordit të tij botëror, ai nuk do të mund të garojë në Kupën e Botës në Budapest, që nis më 19 gusht.

B.T (Dosja.al)

Sondazh

Poll

MË SHUMË