Bota

'Nuk rrimë duarkryq'/ Bjellorusia: Po merren masa kundër aktiviteteve ushtarake në Poloni dhe Baltik

Tensionet midis Bjellorusisë, një aleat rus dhe Polonisë janë rritur ditët e fundit, veçanërisht për shkak të pranisë së grupit paraushtarak Wagner, i cili gjeti strehim në vendin e Evropës Lindore pas rebelimit të tij jetëshkurtër kundër Moskës në qershor.

10 Gusht 2023, 18:02 Nga a.l
'Nuk rrimë duarkryq'/ Bjellorusia: Po merren masa kundër
Foto ilustruese

BJELLORUSI-  Bjellorusia njofton se po ndërmerren masa adekuate reagimi kundër aktiviteteve të fundit ushtarake në Poloni dhe shtetet baltike, shkruajnë mediat e huaja. 

“Mund të them me besim se të gjitha parashikimet tona në lidhje me aktivitetet e bllokut të NATO-s dhe anëtarëve të tij individualë janë vërtetuar plotësisht. Natyrisht, ne nuk rrimë duarkryq, por po marrim masat e duhura të reagimit”, tha në një takim Alexander Volfovich, sekretari shtetëror i Këshillit të Sigurimit të Bjellorusisë.

Tensionet midis Bjellorusisë, një aleat rus dhe Polonisë janë rritur ditët e fundit, veçanërisht për shkak të pranisë së grupit paraushtarak Wagner, i cili gjeti strehim në vendin e Evropës Lindore pas rebelimit të tij jetëshkurtër kundër Moskës në qershor.

Qeveria polake njoftoi të mërkurën se po planifikon të vendosë 2000 trupa shtesë në kufirin e saj me Bjellorusinë dhe akuzoi autoritetet bjelloruse për organizimin e migrimit të paligjshëm. 

bjellorusi

Sondazh

Poll

MË SHUMË