Sport

Dembélé kalon me sukses ekzaminimin mjekësor te PSG, zyrtarizimi nesër…

Mëngjesin e kësaj të enjte ai ka kaluar testet mjekësore, sipas mediave të ndryshme franceze, ndërkohë që nënshkrimi i kontratës deri në vitin 2028, mund të bëhet këtë të premte.

10 Gusht 2023, 15:15 Nga DOSJA
Dembélé kalon me sukses ekzaminimin mjekësor te PSG,

FRANCE - Sipas mediave të ndryshme franceze, Ousmane Dembélé ka kaluar me sukses ekzaminimin mjekësor të PSG-së, një hap përpara nënshkrimit të kontratës së tij deri në vitin 2028, e cila mund të shtyhet deri në këtë të premte, së bashku me prezantimin përfundimtar në “Parc des Princes”.

Historia e gjerë e dëmtimeve të rënda të muskujve të Dembélé, që nga ardhja e tij në Barça në 2017, e bëri ekzaminimin mjekësor më shumë se thjesht një formalitet.  Francezi, i cili këtë sezon parasezonal tashmë ka luajtur në një nivel të mirë me Barçën, madje duke shënuar një gol të mrekullueshëm ndaj Real Madridit, më në fund tregoi se është me shëndet të plotë.

Kur të zyrtarizohet, si lojtar i ri i PSG-së, do të dihen edhe detajet e operacionit që janë ende të diskutueshme: klubi francez do të paguajë klauzolën e përfundimit prej 50 milionësh, një shumë që do të ndahet mes Barçës dhe lojtarit (dhe agjent, Moussa Sissoko). Klubi i Barcelonës u përpoq në ditët e fundit që ata të ishin përfitues të më shumë se 25 milionëve, të rënë dakord fillimisht (50 për qind).

B.T (Dosja.al)

Sondazh

Poll

MË SHUMË