Aktualitet

Droga në repartin ushtarak në Zall-Herr, lihen në arrest me burg 3 ushtarakët, dëshmia: Është e pamundur të kontrollohen 140 Ha tokë

Gjykata e Tiranës ditën e sotme ka vendosur arrest me burg për Shefin e Seksionit të Sigurisë Gramoz Mullai, Specialistin për Zbulimin Rustem Koçi dhe Specialistin e sigurisë Gentian Zhurda. 

7 Gusht 2023, 11:07 Nga I.A
Droga në repartin ushtarak në Zall-Herr, lihen në arrest me burg
Foto ilustruese

TIRANË- Tre anëtarë të ushtrisë në repartin e Zall Herrit janë lënë në burg ditën e sotme. Gjykata e Tiranës ditën e sotme ka vendosur arrest me burg për Shefin e Seksionit të Sigurisë Gramoz Mullai, Specialistin për Zbulimin Rustem Koçi dhe Specialistin e sigurisë Gentian Zhurda. 

Ndërkohë që këta para gjykatës kanë deklaruar se është e pamundur që të kontrollohen 140 hektarë tokë, pasi është një hapësirë shumë e madhe. Po ashtu ata kanë theksuar se kishin lajmëruar eprorët e tyre për territorin e thyer dhe për pamundësinë për ta kontrolluar.

“E pamundur për t’u kontrolluar 140 hektarë tokë”, thanë ata.

Dy ditë më parë 125 bimë kanabisi u gjetën në tokën e repartit ushtarak të Zall Herrit në Tiranë. Policia arrestoi Shefin e Seksionit të Sigurisë Gramoz Mullai, Specialistin për Zbulimin Rustem Koçi dhe Specialistin e sigurisë Gentian Zhurda. Ndërkohë që u pezulluan nga puna hde ndodhen nën hetim komandanti i repartit, një zëvendëskomandat, një specialist dhe një magazinier.

gentian zhurda gramoz mullai rustem koçi kanabis ne zall herr

Sondazh

Poll

MË SHUMË