Aktualitet

Grabiti me armë një subjekt të shitjes së gazit, arrestohet pas 11 vitesh 46-vjeçari në Fier

Në pranga përfundoi Zheni (Shkëlzen) Deliu. 

2 Gusht 2023, 10:10 Nga k.m.
Grabiti me armë një subjekt të shitjes së gazit, arrestohet
Pamje nga operacioni

FIER- Vodhi nën kërcënimin e një arme zjarri në vitin 2012, në bashkëpunim me një shtetas tjetër, një shumë parash në një subjekt për shitje të gazit, arrestohet 46-vjeçari në Fier. Në pranga përfundoi Zheni (Shkëlzen) Deliu. Hetimet vijojnë për identifikimin dhe kapjen e një tjetër personi të implikuar në këtë rast.

NJOFTIMI I POLICISË:

Si rezultat i një pune të vazhdueshme hetimore të kryer nga specialistët e Seksionit për Hetimin e Krimeve të Rënda kundër Pronës, të Drejtorisë Vendore të Policisë Fier, në bashkëpunim me Prokurorinë e Fierit, në kuadër të operacionit policor të koduar “Gjurmët”, për një rast vjedhjeje me armë zjarri, të kryer në vitin 2012, në fshatin Portëz, u bë e mundur zbardhja dhe dokumentimi me prova ligjore i këtij rasti, si dhe kapja dhe ndalimi i një prej autorëve të tij, konkretisht shtetasit Zh. (Sh.) D., 46 vjeç, banues në Patos.

Gjykata e Shkallës së Parë e Juridiksionit të Përgjithshëm Fier ka caktuar ndaj 46-vjeçarit, masën e sigurisë “Arrest në burg”, pasi akuzohet se në vitin 2012, në bashkëpunim me një shtetas tjetër, nën kërcënimin e një arme zjarri, vodhi rreth 60 000 lekë, në një subjekt për shitje të gazit, në fshatin Portëz. Hetimet vijojnë për identifikimin dhe kapjen e shtetasit tjetër të implikuar në këtë rast. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

zheni deliu operacioni gjurmet

Sondazh

Poll

MË SHUMË