Sport

RREFIMI/ Sulmuesi po mendonte të largohej nga United, para se të vinte Ten Hag...

“Ardhja e Erik ten Hag ka qenë e mrekullueshme për mua, ai më ka dhënë lirinë”, thotë sulmuesi Marcus Rashford.

30 Korrik 2023, 18:21 Nga DOSJA
RREFIMI/ Sulmuesi po mendonte të largohej nga United, para se të vinte

ANGLI - Sulmuesi Marcus Rashford ka zbuluar se kishte ndërmend të largohej nga Manchester United para se holandezi Erik ten Hag të merrte drejtimin. 

Ndërkombëtari anglez, i cili kohët e fundit nënshkroi një kontratë të re pesëvjeçare me “Djajtë e Kuq”, tha se trajneri holandez i dha atij lirinë që i nevojitej, gjë që ishte çelësi që Rashford të vazhdon të luajë në “Old Trafford”.

“Para se të vinte trajneri, mendoja për një ndryshim. Në futboll ndodh, por gjithmonë ka një arsye. Ardhja e tij pati një efekt të mrekullueshëm tek unë. Ai më dha lirinë. Në të kaluarën, unë kisha një rol shumë statik dhe nuk mund ta shijoja lojën. Unë jam ai lloj personi që performanca ime ndikon në angazhimin tim. Dhe kur nuk jam i lumtur, nuk mund të luaj futbollin tim më të mirë”, tha Rashford.

Në sezonin 2022/23, i pari i tij për Ten Hag si trajner i Manchester United, sulmuesi Rashford shënoi 30 gola në karrierë në të gjitha garat. Golat e tij bënë që “Djajtë e Kuq” të përfundonin të tretët në Premier League, si dhe të ngrinin Kupën e Ligës.

Man.United aktualisht po përgatitet për fillimin e sezonit 2023/24 në Premier League. Ekipi e nis fushatën më 14 gusht kundër Wolverhampton Wanderers.

B.T (Dosja.al)

Sondazh

Poll

MË SHUMË