Politike

Zgjedhjet në grupin e Bashës, deputetja Pampuri: Nesër ka zgjedhje, deklarata e grupit parlamentar është e pavërtetë

Me anë të një postimi në Facebook, Pampuri ka deklaruar se nesër do të mbahen zgjedhjet dhe se deklarata e Grupit Parlamentar është e pavërtetë. 

28 Korrik 2023, 17:24 Nga I.A
Zgjedhjet në grupin e Bashës, deputetja Pampuri: Nesër ka
Oriola Pampuri

TIRANË- Deputetja demokrate Oriola Pampuri ka komentuar deklaratën e publikuar nga grupi parlamentar i PD-së së vulës, ku kanë deklaruar se Këshilli Kombëtar ka anuluar zgjedhjet në PD. Me anë të një postimi në Facebook, Pampuri ka deklaruar se nesër do të mbahen zgjedhjet dhe se deklarata e Grupit Parlamentar është e pavërtetë. 

Postimi i Plotë:

Si Zëdhënëse e Grupit Parlamentar të Partisë Demokratike, dua të theksoj se; Deklarata në emër të grupit parlamentar, pa dijeninë anëtarëve të grupit nuk gëzojnë vërtetësi. Nxitimin për të ndërmarrë hapa antistatutorë nuk ndihmon askënd, dhe nuk e legjitimon asnjë vendim. Kjo duhet të marrë fund. Individualisht deputetë të grupit mund të shprehin mendime e qëndrime, por të flitet në emër të grupit, pa pjesëmarrjen e të gjithë deputetëve është e tepërt. Nesër, Partia Demokratike ka zgjedhje dhe ky është një vendim i miratuar nga kryesia dhe këshilli kombëtar, mendimet dhe qëndrimet kundër mbajnë emër dhe mbiemër të çdo deputeti, por mllefet kolektive, nuk mund t'i atribuohen grupit parlamentar. Partia Demokratike është e demokratëve, deputetët janë njerëz me dinjitet e integritet, dhe në asnjë moment nuk mund të shndërrohen në tabele qitje për të shfryrë mllefet e frustrimet e brendshme të askujt, apo për të mbrojtur interesat personalë të dikujt.

oriola pampuri zgjedhjet e reja ne pd

Sondazh

Poll

MË SHUMË