Bota

Konstituohet parlamenti i ri i Malit të Zi, nuk zgjidhet kryetari

Zgjedhja e kryetarit u shty për një seancë të re të parlamentit pasi në shërbimin e parlamentit nuk u dorëzua asnjë propozim për kandidatin e mundshëm.

27 Korrik 2023, 18:21 Nga f.i
Konstituohet parlamenti i ri i Malit të Zi, nuk zgjidhet kryetari
foto ilustruese

MALI I ZI- Parlamenti i Malit të Zi është konstituar, pas zgjedhjeve të 11 qershorit. Në seancën e sotme u verifikuan mandatet e 81 deputetëve.

Ndërkohë pritej që të zgjidhej edhe kryetari i kuvendit, mirëpo një gjë e tillë nuk ka ndodhur. Zgjedhja e kryetarit u shty për një seancë të re të parlamentit pasi në shërbimin e parlamentit nuk u dorëzua asnjë propozim për kandidatin e mundshëm.

Kjo është pasojë e shpalljes me vonesë të rezultateve përfundimtare të zgjedhjeve për çka Lëvizja “Evropa Tani” dhe kandidati i mundshëm për kryeministër i Malit të Zi, Milojko Spajiç, nisi zyrtarisht të enjten më 20 korrik bisedimet për qeverinë e re, të cilat do vazhdojnë edhe ditëve në vijim.

Në seancë, përveç deputetëve, morën pjesë edhe përfaqësues të institucioneve shtetërore, të pushtetit gjyqësor, presidenti i Malit të Zi, Jakov Milatoviç, dhe zyrtarë të lartë malazezë. 

 

parlamenti i malit te zi

Sondazh

Poll