Aktualitet

Plagosën me armë kushëririn pas konfliktit për pronën në Kukës, arrestohen 2 vëllezërit

Gjatë aksionit është sekuestruar edhe arma e krimit, me të cilën dyshohet të jetë kryer plagosja.

23 Korrik 2023, 11:37 Nga A.B
Plagosën me armë kushëririn pas konfliktit për pronën
Arme

KUKËS- Policia ka arrestuar dy vëllezërit, autorë të dyshuar të ngjarjes së ndodhur ditën e djeshme në fshatin Shtiqen, ku mbeti i plagosur me armë zjarri kushëriri i tyre. Ata janë konfliktuar për motive pronësie. Gjatë aksionit është sekuestruar edhe arma e krimit, me të cilën dyshohet të jetë kryer plagosja.

Gjithashtu për këtë ngjarje është shpallur në kërkim dhe vijon puna për arrestimin e personit të tretë, që është vëllai i dy të arrestuarve. Grupi hetimor ka nisur punën për zbardhjen e plotë të ngjarjes.

NJOFTIMI I POLICISË:

Dy vëllezërit të cilët plagosën dje me armë zjarri kushëririn e tyre për çështje pronësie janë kapur nga policia.

Në pranga kanë rënë V. M., 48 vjeç dhe Xh. M., 51 vjeç, banues në Shtiqen, të cilët bashkë me vëllanë tjetër të shpallur në kërkim, qëlluan me armë zjarri duke plagosur kushëririn e tyre, G.M.

Tre vëllezërit janë konfliktuar për motive pronësie, me kushërinjtë e tyre, shtetasit S. M., B. M. dhe nipin e tyre, shtetasin G. M.  Gjatë konfliktit, tre vëllezërit kanë shkatërruar me mjete të forta zetorin e shtetasit S. M.

Xh. M. Plagosi me armë zjarri në këmbë, shtetasin G. M., si dhe kanosi shtetasin S. M.

Shtetasi i shpallur në kërkim A. M. dyshohet se ka qëlluar me çifte dhe ka goditur me shkop bejzbolli, shtetasin B. M.  Shtetasit e dëmtuar janë dërguar në spital dhe ndodhen jashtë rrezikut për jetën.

Vijon puna për kapjen e shtetasit A. M.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme, për veprat penale “Vrasja me paremendim” mbetur në tentativë, kryer në bashkëpunim, “Mbajtja pa leje dhe prodhimi i armëve, armëve shpërthyese dhe i municionit” dhe “Shkatërrimi i pronës me mjete të tjera”

policia kukes

Sondazh

Poll

MË SHUMË