Bota

"Ne s'jemi Amazon"/ Zelenskyy reagon ashpër ndaj komenteve të Wallace për mungesën e 'mirënjohjes' së Ukrainës: Të ma thotë si e do falenderimin

Gjatë një konference për shtyp në Vilnius më 12 korrik, Zelenskyy theksoi se mbështetja e Ukrainës është brenda interesave kombëtare të partnerëve të saj.

14 Korrik 2023, 14:17 Nga k.m.
"Ne s'jemi Amazon"/ Zelenskyy reagon ashpër ndaj komenteve
Volodymyr Zelenskyy

KIEV- Presidenti ukrainas Volodymyr Zelenskyy ka kundërshtuar komentet e bëra nga ministri i Mbrojtjes i Mbretërisë së Bashkuar, Ben Wallace, i cili tha se Londra nuk duhet të trajtohet “si Amazon”, duke shtuar se Ukraina duhet të jetë “mirënjohëse” për ndihmën ushtarake perëndimore. Gjatë një konference për shtyp në Vilnius më 12 korrik, Zelenskyy theksoi se mbështetja e Ukrainës është brenda interesave kombëtare të partnerëve të saj.

“Ai mund të më shkruajë se si dëshiron të falënderohet, kështu që ne të shprehim plotësisht mirënjohjen tonë…Mund të zgjohemi çdo mëngjes dhe ta falenderojmë,”- tha presidenti ukrainas.

Presidenti më pas iu drejtua ministrit ukrainas të Mbrojtjes Oleksii Reznikov për të komunikuar drejtpërdrejt me Wallace.

"A keni një marrëdhënie me sekretarin e mbrojtjes? Shkëlqyeshëm, apo jo? Epo, sigurohuni ta falenderoni atë; dhe telefonojeni me mirësi sot,"-e udhëzoi Zelenskyy Reznikov.

Më 12 korrik, Wallace sugjeroi që Ukraina duhet të tregojë më shumë vlerësim ndaj Perëndimit për armët që kanë marrë tashmë nga Mbretëria e Bashkuar dhe jo vetëm./yahoo

volodymyr zelenskyy ben wallace

Sondazh

Poll