Aktualitet

Lejoi hapjen e një rruge dhe shkaktoi dëm 234 mln lekë, lihet në burg ish-kryetari i Fushë-Arrëzit

Tuci akuzohet se ka lejuar hapjen e një rruge 1.8 km në Fushë-Arrëz, duke shkaktuar një dëm prej 234 milion lekësh.

14 Korrik 2023, 10:42 Nga A.B
Lejoi hapjen e një rruge dhe shkaktoi dëm 234 mln lekë, lihet
Fran Tuci

TIRANË- Gjykata e Posaçme ka lënë në burg ish-kryetarin e Bashkisë së Fushë-Arrëzit, Franc Tuci. Ai u arrestua dy ditë më parë për shpërdorim detyre. Për administratorin e Iballës, Ndoc Marku, Gjykata caktoi arrest shtëpie, ndërsa Fadromisti Durim Markgjekaj vijon të jetë në arrati.

Ish-krybashkiaku sipas SPAK, në kundërshtim me ligjin, ka lejuar hapjen e një segmenti të ri rrugor rreth 1.8 km dhe gjerësi rreth 5 m, i cili ka cënuar një sipërfaqe të konsiderueshme të fondit pyjor në pronësi të kësaj Bashkie si edhe ka dëmtuar terrenin që i përket këtij fondi pyjor.

Dëmi i përllogaritur nga IKMT Shkodër, kap vlerën 234,007,500 lekë, rreth 2 milionë euro, i cili përfshin dëmtimin e terrenit, si edhe shpyllëzimin e sipërfaqes se regjistruar pranë ASHK-së, në pronësi të Bashkisë Fushë Arrëz.

Sipas SPAK, punimet për hapjen e këtij segmenti të ri rrugor, janë provuar të jenë kryer nga shtetasi Durim Margjekaj, administrator i një subjekti tregtar privat, ndaj të cilit është caktuar masa detyrim paraqitje në mungesë dhe urdhri ende nuk është ekzekutuar.

fran tuci

Sondazh

Poll

MË SHUMË