Aktualitet

Ishin bashkë në lokal dhe u përleshën, si u vra shqiptari në Greqi, Policia identifikon autorin nga targa e makinës

Për shqiptarin deri më tani bëhet me dije se është një person me precendentë penalë dhe i njohur për Policinë greke, pasi ka kryer disa vepra penale edhe në shtetin fqinjë.

13 Korrik 2023, 21:14 Nga k.m.
Ishin bashkë në lokal dhe u përleshën, si u vra shqiptari
Pamje nga vendi i ngjarjes

SELANIK-Policia e Selanikut ka identifikuar autorin që ekzekutoi me armë 50-vjeçarin shqiptar ditën e sotme pranë një karburanti. Sipas mediave greke, agjentët e policisë greke e kanë identifikuar nga targat e makinës me të cilën u arratis, por nuk kanë bërë me dije as identitetin e autorit dhe as të viktimës shqiptar. Për shqiptarin deri më tani bëhet me dije se është një person me precendentë penalë dhe i njohur për Policinë greke, pasi ka kryer disa vepra penale edhe në shtetin fqinjë.

Paçka se në fillim u trajtua si një konflikt i momentit, deri më tani hetuesit grekë besojnë se ngjarja e rëndë kriminale nuk ndodhi aty për aty. Mendohet se viktima dhe autori kanë qenë më herët së bashku në një lokal pranë zonës ku ndodhi krimi. Derisa mes tyre nisi një përleshje, që mendohet se ka lidhje me financat.

Pas konfrontimit në lokal, të dy u larguan me makinat e tyre. Më pas, u përballën sërish bashkë në rrugën Solonos të Selanikut. 50-vjeçari shqiptar ndodhej në karburant për të furnizuar makinën, ndërsa paralelisht në rrugën kryesore kishte ndaluar makina e autorit, e menjëherë nisi përplasja mes tyre.

50-vjeçari shqiptar mori 3 plumba në kraharor dhe ndërroi jetë rrugës për në spital.

vritet shqiptari ne selanik

Sondazh

Poll

MË SHUMË