Bota

Qeveria dha 'OK' për planin e BE-së për uljen e tensioneve/ Osmani: Presim që të hiqen masat ndaj Kosovës

Duke folur për procedurën e përgatitjes së zgjedhjeve, presidentja ka thënë se nuk ka nevojë për shumë kohë.

13 Korrik 2023, 11:20 Nga a.l
Qeveria dha 'OK' për planin e BE-së për uljen e
Vjosa Osmani

KOSOVË- Presidentja e Kosovës, Vjosa Osmani ka mbështetur marrëveshjen me Bashkimin Evropian për hapat drejt shtensionimit të situatës në veri. Ajo deklaron se të gjitha veprimet e institucioneve të Kosovës janë të koordinuara me aleatët, teksa ka thënë se tani pret që BE-ja t’i tërheq masat e vendosura ndaj Kosovës.

“Shpresojmë që BE-ja t’i tërheqë masat të cilat janë ndërmarrë ndaj Kosovës padrejtësisht dhe ne të kemi më shumë sukses në dialog”, ka thënë Osmani në një deklaratë për media gjatë vizitës në Universitetin Veror të UP-së.

Duke folur për procedurën e përgatitjes së zgjedhjeve, presidentja ka thënë se nuk ka nevojë për shumë kohë.

“Ligjet tona e japin mundësinë për organizimin e zgjedhjeve dhe ne do të vepërojmë sipas obligimeve kushtetuese”, ka shtuar ajo.

Presidentja ka rikujtuar se në zgjedhjet e mbajtura më 23 prill serbët nuk morën pjesë për shkak të presionit dhe shantazheve nga kreu i shtetit serb, Aleksandër Vuçiç. 

tensione në veri të kosovës vjosa osmani

Sondazh

Poll

MË SHUMË