Bota

TRONDITËSE në SHBA: 17-vjeçarja donte të flinte, i dha fëmijës 9 muajsh fentanil me qumësht dhe e vrau!

Sasia e fentanilit në trupin e foshnjës ishte e mjaftueshme për të vrarë 10 persona

13 Korrik 2023, 07:30 Nga A.B
TRONDITËSE në SHBA: 17-vjeçarja donte të flinte, i dha
Qumeshti

SHBA-Një histori tronditëse e një foshnje viktimë 9-muajshe ka ndodhur në Florida të SHBA-ve, ku policia njofton se foshnja ka vdekur pasi nëna 17-vjeçare i ka dhënë fentanil në vend të qumështit sepse donte që ai të pushonte.

Ngjarja e paimagjinueshme ndodhi më 26 qershor kur mjekët dhe policia gjetën foshnjën pa puls në shtëpinë ku ai jetonte në zonën e Callahan. Pavarësisht përpjekjeve, foshnja 9 muajshe përfundoi në spital e më pas ndërroi jetë.

Fillimisht nëna e tij 17-vjeçare pretendoi se nuk e dinte se çfarë kishte ndodhur, por më pas, pas pyetjeve të përsëritura nga policia, ajo ndryshoi disa herë historinë. Megjithatë, pasi autopsia tregoi se kishte mjaftueshëm fentanil në sistemin e fëmijës për të vrarë 10 persona, nëna rrëfeu në riekzaminim se ishte e lodhur dhe donte të flinte ditën kur foshnja mori frymën e fundit.

Siç tha ajo në polici, 17-vjeçarja kishte mbushur një shishe me qumësht pluhur dhe një substancë që mendonte se ishte kokainë, por rezultoi se ishte fentanil.

“Kush e bën këtë? Cila nënë mund ta bëjë këtë? Kjo nuk është normale. Është i sëmurë. Është përtej imagjinatës time që një nënë mund t'i bëjë një gjë të tillë fëmijës së saj. Askush nuk duhet të humbasë jetën për shkak të kësaj droge, veçanërisht një fëmijë i pafajshëm”, tha një zëdhënës i policisë duke bërë të ditur detajet e rastit.

TRONDITËSE në SHBA: 17-vjeçarja donte të flinte, i dha

Nëna , emri i së cilës nuk bëhet i ditur, akuzohet për vrasje të shkallës së parë dhe posedim droge.

vrasje ne shba

Sondazh

Poll

Bota 12 Korrik 2023, 22:30 k.m.

Ambasadori i Kinës viziton Pentagonin

Foto ilustruese SHBA- Sot, ambasadori i Kinës në Shtetet e Bashkuara të Amerikës pati një takim të rrallë me zyrtarin m&...

MË SHUMË