Aktualitet

Elbasan/Vihen në pranga tre shtetas për vepra të ndryshme penale

Policia e Elbasanit ka vënë në pranga tre persona, dhe një tjetër është proceduar në gjendje të lirë, për vepra të ndryshme penale.

11 Korrik 2023, 13:00 Nga DOSJA
Elbasan/Vihen në pranga tre shtetas për vepra të ndryshme penale
policia

ELBASAN- Policia e Elbasanit ka vënë në pranga tre persona, dhe një tjetër është proceduar në gjendje të lirë, për vepra të ndryshme penale. Burime zyrtare të policisë njoftojnë se kanë arrestuar shtetasin Xh. A., 34-vjeç, pasi automjeti që drejtohej nga ai, ka përplasur shtetasin O. B., 78-vjeç (këmbësor), i cili për shkak të dëmtimeve të marra, ka humbur jetën. 

Po kështu janë arrestuar në flagrancë dy persona të moshës 33 dhe 34-vjeç, pasi kanë ushtruar dhunë ndaj bashkëshorteve të tyre. Po të njëjtat burime shtojnë se ka nisur procedimi në gjendje të lirë për shtetasin A. H., 26-vjeç, pasi dyshohet se ka depozituar një sasi dherash dhe mbetjesh në shtratin e lumit Devoll, dhe për pasojë ka shkaktuar ndotje të mjedisit.

Njoftimi i policisë

Në vijim të informacionit paraprak të dhënë mbrëmjen e djeshme, për një aksident në aksin rrugor “Elbasan - Librazhd”, ju bëjmë me dije se specialistët e qarkullimit rrugor të DVP Elbasan arrestuan shtetasin Xh. A., 34 vjeç, pasi automjeti që drejtohej nga 34-vjeçari, ka përplasur shtetasin O. B., 78 vjeç (këmbësor), i cili për shkak të dëmtimeve të marra, ka humbur jetën. Specialistët për Hetimin e Krimeve të Komisariatit të Policisë Elbasan arrestuan në flagrancë shtetasit:

-F. P., 33 vjeç, pasi ka ushtruar dhunë ndaj bashkëjetueses së tij;

-R. M., 34 vjeç, pasi ka ushtruar dhunë ndaj bashkëshortes së tij.

Specialistët për Hetimin e Krimeve të Komisariatit të Policisë Cërrik referuan materialet në Prokurori ku nisi procedimi në gjendje të lirë për shtetasin A. H., 26 vjeç, pasi dyshohet se ka depozituar një sasi dherash dhe mbetjesh, në shtratin e lumit Devoll, dhe për pasojë ka shkaktuar ndotje të mjedisit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

Sondazh

Poll

MË SHUMË