Bota

Ukraina: Nuk do të përdorim municione thërrmuese kundër territorit rus

Municionet thërrmuese janë të ndaluara nga më shumë se 100 vende. 

10 Korrik 2023, 17:41 Nga a.l
Ukraina: Nuk do të përdorim municione thërrmuese kundër
Municione thërrmuese

UKRAINË-  SHBA njoftoi të premten se do të furnizonte Ukrainën me municione thërrmuese të ndaluara gjerësisht për kundërsulmin e saj kundër forcave pushtuese ruse. Ministri i Mbrojtjes i Ukrainës, Oleksii Reznikov tha se municionet do të ndihmojnë në shpëtimin e jetëve të ushtarëve ukrainas, duke shtuar se Ukraina do të mbajë një regjistrim të rreptë të përdorimit të tyre dhe do të shkëmbejë informacione me partnerët e saj.

"Pozicioni ynë është i thjeshtë - ne duhet të çlirojmë territoret tona të pushtuara përkohësisht dhe të shpëtojmë jetën e njerëzve tanë. Ukraina do t'i përdorë këto municione vetëm për de-okupimin e territoreve tona të njohura ndërkombëtarisht. Këto municione nuk do të përdoren në territorin e njohur zyrtarisht të Rusisë," shkroi Reznikov në Twitter.

Municionet thërrmuese janë të ndaluara nga më shumë se 100 vende. Ata zakonisht lëshojnë një numër të madh bombash më të vogla që mund të vrasin pa dallim në një zonë të gjerë. Ato që nuk arrijnë të shpërthejnë përbëjnë një rrezik për dekada, shkruajnë mediat e huaja. 

Moska kritikoi përsëri vendimin e SHBA të shtunën (8 korrik), duke e përshkruar atë si një shembull tjetër "të frikshëm" të kursit "anti-rus" të Uashingtonit. 

lufta ukraine-rusi

Sondazh

Poll

MË SHUMË