Sport

Legjenda e Bayern i drejtëpërdrejtë, e quan “mashtrues” Lucas Hernández: “Nuk besoj asnjë fjalë. Mirupafshim". Tifozët me të...

Mehmet Scholl nuk e kursen francezin, i cili u transferua për në Paris SG

10 Korrik 2023, 17:39 Nga DOSJA
Legjenda e Bayern i drejtëpërdrejtë, e quan

GJERMANI - Menjëherë pasi pa të konfirmuar transferimin e tij në Paris SG, mbrojtësi francez Lucas Hernández i la një mesazh të gjatë lamtumire Bayern Munichut, ku përveç lavdërimit se sa është rritur në këtë klub, ai supozon se vendimi për të kaluar në vende të tjera ishte i vështirë. Një fjalim i zakonshëm në këto momente lamtumire, që nuk i bindi të gjithë te kampionët gjermanë.

Ashtu si rasti i Mehmet Scholl, një prej emrave më legjendar të bavarezëve, i cili nuk e kishte problem të linte publikisht komentin e tij mosmiratues. Dhe nuk mund të ishte më e drejtpërdrejtë.  "Nuk besoj asnjë fjalë. Mirupafshim",- ka shkruar ish-lojtari i klubit, 52 vjeç, duke shkaktuar jo pak reagime nga vetë tifozët e klubit, pothuajse të gjithë të rreshtuar në të njëjtin drejtim.

Lucas Hernández, duhet theksuar, u largua nga klubi bavarez pas katër sezonesh në të cilat ai kurrë nuk ishte në gjendje të justifikonte 80 milionë eurot që Bayern Munich investoi për të në vitin 2019. Pas tij janë 107 ndeshje, dy gola dhe dhjetë tituj (katër Bundesliga, një Kupë të Gjermanisë, dy Superkupa, një Champions League, një Superkupë Evropiane dhe një Kupë të Botës për Klube).

B.T (Dosja.al)

Sondazh

Poll

MË SHUMË