Sport

PSG-ja e Luis Enrique fillon pa Mbappe…

Skuadra e re e trajnerit asturian i është rikthyer punës me testet fizike dhe këtë të martë i rikthehet stërvitjes në fushën e gjelbërt

10 Korrik 2023, 15:09 Nga DOSJA
PSG-ja e Luis Enrique fillon pa Mbappe…

FRANCE - Në mes të një krize të re për Kylian Mbappé, Paris Saint-Germain i ri (PSG), PSG-ja e Luis Enrique, rikthehet në stërvitje këtë të martë dhe do ta bëjë këtë me Neymar dhe Lucas Hernández të ardhur së fundmi, por pa ndërkombëtarët që ishin me të në kombëtare në qershor.  Mes tyre edhe Mbappé, i cili nëse donte t’i zemëronte të gjithë në PSG që ta linin të ikte, është në rrugën e duhur, sepse po i mbaron mbështetja.

Pas testeve fizike të hënën, PSG do të rifillojë stërvitjet këtë të martë në “Campus de Poissy”, në perëndim të Parisit, ambientet e të cilit tashmë janë të njohura për lojtarët që po shërohen nga dëmtimet, si Presnel Kimpembe, Nuno Mendes ose Nordi Mukiele. Atyre do t'u bashkohen lojtarët që nuk ishin me kombëtaret e tyre në qershor.

Pritet Neymar, i cili nuk luajti për Brazilin, pasi iu nënshtrua një operacioni në kyçin e këmbës në mars, edhe Lucas Hernández që nuk ishte me Francën, pas dëmtimit të tij në ndeshjen e parë të Kupës së Botës. Bashkë me ta pritet edhe një tjetër përforcim, uruguajani Manuel Ugarte, i cili nuk u thirr nga selecao në qershor. 

Nënshkrimet e tjera, Milan Skriniar (i cili luajti me Sllovakinë), Marco Asensio (fitues i Nations League me Spanjën) dhe Kang-in Lee (luajtur me Korenë e Jugut) do të kenë një javë shtesë pushime.

Kylian Mbappé, italianët Gianluigi Donnarumma dhe Marco Verratti, portugezi Danilo Pereira dhe Vitinha dhe marokeni Achraf Hakimi nuk do të kthehen në PSG deri të hënën më 17 korrik.

Sa i përket fazës parasezonale, pas ndeshjes së parë miqësore në “Poissy” kundër Le Havre të promovuar më 21 korrik, PSG do të fillojë turneun e tyre në Japoni, nga 22 korriku deri më 2 gusht. Ata do të përballen me Al-Nassr të Cristiano Ronaldos dhe Cerezo Osaka më 25 dhe 28 korrik në Osaka, përpara se të përballen me Interin më 1 gusht në Tokio. 

PSG fillon në Ligue 1 në shtëpi kundër Lorient në fundjavën e 13 gushtit. 

B.T (Dosja.al)

Sondazh

Poll

MË SHUMË