Aktualitet

Ligji për Akademinë e Shkencave/ Fuga ftesë deputetëve iniciatorë: Tërhiqni nismën, shkelet barazia e akademikëve

Në mbledhjen e sotme të Komisionit të Medias, akademiku Artan Fuga shpalosi kritikat e tij në lidhje me ligjin për Akademinë e Shkencave dhe amendamentet e propozuara nga deputetët e PS.

10 Korrik 2023, 12:00 Nga DOSJA
Ligji për Akademinë e Shkencave/ Fuga ftesë deputetëve
Artan Fuga

TIRANË- Në mbledhjen e sotme të Komisionit të Medias, akademiku Artan Fuga shpalosi kritikat e tij në lidhje me ligjin për Akademinë e Shkencave dhe amendamentet e propozuara nga deputetët e PS. Ai u shpreh se me këto ndryshime, ligji do të hynte në një kundërthënie të brendshme, duke krijuar pabarazi mes akademikëve. Në fjalën e tij, ai sqaroi se Kushtetuta thotë që të gjithë janë të barabartë para ligjit. Por sipas tij, amendamentet që janë propozuar bien në kundërshtim me ligjin. Ai kishte një ftesë ndaj deputetëve iniciatorë që ta tërheqin këtë nismë, duke riparë nëse ndryshimet që ata propozojnë, integrohen në ligj.

“Ligji për Akademinë e Shkencave do të hynte në kundërthënie të brendshme. Kryetari i Akademisë nëse ka mbushur moshën 75-vjeç si kryetar, ka disa detyrime sipas ligjit. Nëse amendamentet e propozuar hyjnë në fuqi, do të kemi natyrë kontradiktore të ligjit.

Mendoni se mund të ndërtojmë një status juridik, ky i njëjti person juridik edhe të ketë detyrim edhe mos të ketë detyrimin? Shkelet barazia e akademikëve para ligjit. Me mbushjen e moshës 75 vjeç, anëtarëve të Akademisë i hiqen të drejtat dhe detyrimet me përjashtim të atij që është kryetar i Akademisë së Shkencave.

I njëjti ligj krijon pabarazi mes akademikëve. Kushtetuta nga ana tjetër thotë që të gjithë janë të barabartë para ligjit. Unë mendoj se amendamentet që ju keni propozuar, bien në kundërshtim me ligjin. Nëse më lejohet një rekomandim në këto kushte, kam një ftesë për deputetët iniciatorë që ta tërheqin këtë nismë duke riparë nëse ndryshimet që ata propozojnë, integrohen në ligj”, tha Fuga.

Sondazh

Poll

MË SHUMË