Sport

“Ronaldo nuk më do mua te Al-Nassr!” Akuza e bërë për yllin portugez, nga një ish-bashkëlojtar kur luante te Juventusi...

Juan Cuadrado (35 vjeç) foli për mundësinë e kalimit të tij te skuadra saudite e Al-Nassr.

9 Korrik 2023, 12:00 Nga DOSJA
“Ronaldo nuk më do mua te Al-Nassr!” Akuza e bërë

ITALI - Këtë verë kolumbiani përfundoi kontratën me Juventusin dhe po kërkon një aventurë të re. Mbrojtësi kolumbian ka zbuluar se nuk dëshiron të luajë në Arabinë Saudite dhe kërkon të qëndrojë në Evropë. 

Së fundmi është folur për një transferim të mundshëm të Juan Cuadrado te Al-Nassr, por ish-lojtari i Chelseat dhe Juventusit, ka zbuluar se Cristiano Ronaldo nuk dëshiron që ai të shkojë te skuadra saudite. 

“Për momentin, unë kam ende pasionin dhe më pëlqen të luaj futboll. Përveç kësaj, Ronaldo është atje dhe ai nuk më do mua te Al-Nassr!

Jam shumë i relaksuar, mendoj për atë që është më e mira dhe i kërkoj Zotit ndihmë në këto vendime. Agjenti im ishte në Evropë dhe sapo erdhi të më fliste për propozimet që mori. Natyrisht, ka opsione dhe ne do të analizojmë se cila është më e mira”,- tha Juan Cuadrado, cituar nga  ‘goal.com’. 

4 milionë euro është vlera e tregut për Juan Cuadrado, sipas Transfermarkt. Gjatë tetë viteve të tij në Juventus, anësori kolumbian bëri 314 ndeshje, duke shënuar 26 gola dhe duke dhënë 65 asistime.

Së fundmi u qarkullua fjalë se Juan Cuadrado kërkohej nga Xavi te Barcelona. Skuadra katalanase do të ishte e gatshme ta merrte Juan Cuadradon në “Camp Nou” edhe pse kolumbiani i ka mbushur 35 vjeçët. 

Megjithatë, Cuadrado ishte një nga lojtarët më të mirë të Juventusit sezonin e kaluar, ndaj dhe katalanasit duan ta bindin atë të vijë në ‘Camp Nou”. Xavi është shumë i kënaqur me paraqitjet e mbrojtësit të krahut dhe ka kërkuar nga shefat që t'i ofrojnë kontratë kolumbianit. Dhe zyrtarët e Barcelonës do të ishin të gatshëm ta transferonin Cuadrado, edhe për faktin, pasi ai është një lojtar i lirë, pa kontratë.

B.T (Dosja.al)

Sondazh

Poll

MË SHUMË