Sport

Arda Guler prezantohet te Reali: Nëna e tij pushtohet nga emocionet, talenti turk i fshin lotët...

Real Madridi e ka prezantuar sot lojtarin e saj më të ri të klubit, Arda Guler.

7 Korrik 2023, 16:01 Nga DOSJA

Arda Guler prezantohet te Reali: Nëna e tij pushtohet nga emocionet,

SPANJE - Arda Guler la Fenerbahcen për Real Madridin, ku ky i fundit do t’i paguajë gjigantit turk 20 milionë euro dhe 10 milionë euro në formë të bonuseve.

”Los blancos’ tani e ka prezantuar Guler si lojtarin më të ri të klubit, ndërsa edhe ka zbuluar se cilin numër ia ka dhënë yllit turk. Të pranishëm në prezantimin e Arda Guler ishin edhe familja e talentit turk, të cilët ndoqën nga afër edhe konferencën.

E emocionuar nga arritja e jashtëzakonshme e Arda Gulerit, nëna e tij u përlot teksa futbollisti i fshiu lotët dhe e puth në faqe.

“Së pari, falënderoj familjen time, njerëzit që më kanë ndihmuar të arrij këtu dhe klubin”, deklaroi fillimisht lojtari turk. “Unë gjithashtu dua të jem një legjendë e Real Madridit. Faleminderit për gjithçka”, shtoi ai.

Guler, i cili po cilësohet si “Messi turk”, do të mbajë numrin 24 në fanelën e tij te Real Madridi. Kjo nënkupton se Jesus Vallejo, për të cilin e ardhmja mbetet ende e paqartë te Reali, do të ndryshojë sërish numër në fanellë te gjiganti spanjoll.

Në të kaluarën, Vallejo kishte mbajtur numrin 5 në fanellë, por atë e morri yllin anglez, Jude Bellingham. Pas Bellingham, Vallejo mori numrin 24 në fanelë, por tani ka ndryshuar sërish numrin, pasi që Arda Guler numri 24 i ri i Realit.

B.T (Dosja.al)

Sondazh

Poll

MË SHUMË