Sport

Real Madrid, i gatshëm të shesë edhe një tjetër lojtar? Menaxheri i futbollistit përgënjeshtron lajmin: “Eshtë marrëzi!”...

Real Madridi është i gatshëm të heqë dorë nga shërbimet e mbrojtësit Ferland Mendy (28 vjeç), i cili në sezonin e kaluar ishte i dëmtuar.

5 Korrik 2023, 20:02 Nga DOSJA
Real Madrid, i gatshëm të shesë edhe një tjetër lojtar?

SPANJE - Drejtuesit e Real Madridit do të pranonin një propozim në emër të Ferland Mendy.  “Galaktikët” duan të rikuperojnë një pjesë të investimit të bërë në vitin 2019. 

Mbrojtësi i majtë francez mbërriti te Real Madrid nga Lioni për shumën prej 48 milionë eurosh. Pasi spanjollët bënë me dije se Ferland Mendy mund të përfundojë në Arabinë Saudite, agjenti i mbrojtësit francez pretendon të kundërtën.

“Ferland Mendy në Arabinë Saudite? Jo, nuk është asgjë. Çdo mëngjes aty raportohen emra lojtarësh të rinj që mund të luajnë në Arabinë Saudite.

Së shpejti, atje do të jetë edhe Mbappe në Arabinë Saudite e kështu me radhë. Nuk ka asgjë. Arabia Saudite po kërkon të gjithë lojtarët, pikë. Është marrëzi. Ai është te Real Madridi, gjithçka është në rregull ”,- tha Yvan Le Mee për ‘L'Equipe du soir’.

Marco Asensio, Eden Hazard, Mariano Diaz dhe Karim Benzema, janë futbollistët që u larguan nga Real Madridi këtë verë. I fundit prej tyre mbërriti në Arabinë Saudite, te Al-Ittihad.

B.T (Dosja.al)

Sondazh

Poll

MË SHUMË