Sport

Tirana Futsal njeh rivalët në Champions League, FSHF mirëpret ndeshjet e Grupit ‘H’

Tirana Futsal është e shortuar në Grupin ‘H’, së bashku me KMF Radnik Bijeljina (Bosnje-Hercegovinë), Cefn Druids (Uells) dhe Sparta Belfast (Irlanda e Veriut).

5 Korrik 2023, 18:12 Nga DOSJA

Tirana Futsal njeh rivalët në Champions League, FSHF mirëpret

ZVICER - UEFA ka hedhur sot shortin e fazës para-eliminatore të Futsal Champions League 2023/24, ku do të marrë pjesë edhe kampionia e Shqipërisë, Tirana Futsal.

Në këtë fazë do të marrin pjesë 32 skuadra europiane, të ndara në 8 grupe me katër ekipe secila. Tirana Futsal është e shortuar në Grupin ‘H’, së bashku me KMF Radnik Bijeljina (Bosnje-Hercegovinë), Cefn Druids (Uells) dhe Sparta Belfast (Irlanda e Veriut).

Ndeshjet e turit para-eliminator do të luhen në datat 22-27 gusht dhe në turin tjetër kualifikohen 9 ekip, e më konkretisht 8 skuadrat e renditura në vendet e para dhe vendi i dytë më i mirë nga të gjitha grupet. Ndërkaq, kalendari me ndeshjet dhe datat e sakta do të përcaktohen në ditët në vazhdim nga UEFA.

Duke parë traditën e mirë dhe eksperiencën e madhe me turnetë ndërkombëtare, UEFA ka vendosur t’ia besojë Federatës Shqiptare të Futbollit pritjen dhe organizimin e ndeshjeve të Grupit ‘H’, ku bën pjesë edhe Tirana Futsal, që do të zhvillohen në pallatin e sportit “Feti Borova” në kryeqytet.

Në fakt, ky është i treti edicioni radhazi që FSHF mirëpret ndeshjet e grupit para-eliminator të Futsal Champions League, ku merr edhe kampionia e Shqipërisë.

Tirana Futsal njeh rivalët në Champions League, FSHF mirëpret

B.T (Dosja.al)

 

Sondazh

Poll

MË SHUMË