Sport

Countdown! Paralajmërimi i Al-Khelaifi për Mbappe: “Pozicioni ynë është i qartë”...

Plani i Kylian Mbappe (24 vjeç) është i thjeshtë: ai dëshiron të qëndrojë edhe një sezon te PSG, e më pas të largohet pa kontratë. Por klubi nga kryeqyteti francez nuk është dakord.

5 Korrik 2023, 19:14 Nga DOSJA
Countdown! Paralajmërimi i Al-Khelaifi për Mbappe: “Pozicioni

FRANCE - Ylli parizien dëshiron të përfitojë një bonus të madh besnikërie nga PSG në verën e vitit 2024, prej 90 milionë euro dhe më pas të largohet në Real Madrid si lojtar i lirë.

Por kampionët francezë as që dëshirojnë ta dëgjojnë për një gjë të tillë. Presidenti i PSG-së Nasser Al-Khelaifi e ka bërë të qartë, se nëse dëshiron të vazhdojë në “Parc des Princes” në sezonin 2023/2024, Kylian Mbappe duhet të nënshkruajë një marrëveshje të re.

“ Ne nuk duam ta humbim atë falas në 2024. Pozicioni ynë është i qartë. Nëse ai dëshiron të qëndrojë me ne, duhet të nënshkruajë një kontratë të re. Ne nuk duam ta humbim lojtarin më të mirë në botë falas, është e pamundur”,- ka thënë Nasser Al-Khelaifi, cituar nga Fabrizio Romano.

Në kushte të caktuara, sulmuesi do të ishte i gatshëm të largohej që tani. Konkretisht, sipas  “Marca”-s, futbollisti do të donte që klubi i ri t'i paguante 240 milionë euro, para që mbulojnë pagën vjetore që merr te PSG, por edhe bonusin e besnikërisë së premtuar nga parizienët.

Por kjo do të ishte shumë për Real Madridin, i cili gjithashtu do të duhet të paguajë një tarifë të madhe transferimi te klubi i Ligue 1. 180 milionë euro është vlera e tregut të Mbappes, sipas Transfermarkt. Kylian Mbappe ka shënuar 212 gola dhe 98 asistime në 260 ndeshje te PSG.

B.T (Dosja.al)

Sondazh

Poll

MË SHUMË