Sport

Plas tek Mercedes në Formulën 1, shefi Toto Wolff i “mbyll gojën” Hamilton!

Wolff theksoi se të tilla debate janë normale gjatë një gare ndërsa shtoi se ky konflikt me pilotin kryesor të Mercedes nuk do të ndikoi në rinovimin e kontratës së britanikut, që duhet thënë se ende mbetet pezull pavarësisht se të dyja palët shprehen me bindje të plotë se zyrtarizimi do të vijë shumë shpejt.

3 Korrik 2023, 12:39 Nga DOSJA

Plas tek Mercedes në Formulën 1, shefi Toto Wolff i “mbyll

AUSTRI - Fundjava në Austri rezultoi e ndërlikuar për Mercedesin. Nga provat, te gara Sprint si dhe te gara e së dielës, skuderia gjermane dhe pilotët e saj Lewis Hamilton dhe George Russell ishin të pakënaqur me çfarë arritën në pistën e Red Bull Ring.

Nervat arritën kulmin në momentin kur piloti britanik u ankua në radio për penalizimin e marrë në lidhje me tejkalimin e limiteve të pistës. 38-vjeçari mendoi se ishte i vetmi që po penalizohej nga komisarët e garës dhe në një komunikim në radio me shefin e Mercedes, Totto Wolff shprehu të gjithë pakënaqësinë për formën e keqe të njëvendëshes gjermane.

Por, nga ana tjetër, habiti jo pak reagimi i Wolff, i cili urdhëroi Hamilton të mos ankohej pasi dihej gjendja e makinës dhe i tha që të mendonte vetëm për ta ngarë atë pavarësisht kushteve.

Pas garës, Wolff theksoi se të tilla debate janë normale gjatë një gare ndërsa shtoi se ky konflikt me pilotin kryesor të Mercedes nuk do të ndikoi në rinovimin e kontratës së britanikut, që duhet thënë se ende mbetet pezull pavarësisht se të dyja palët shprehen me bindje të plotë se zyrtarizimi do të vijë shumë shpejt.

Gara e radhës në Formula 1 është ajo e kësaj fundjave në Britaninë e Madhe. Në Silverstone, pistën e shtëpisë së Hamilton me shtatë here Kampionin e Botës që këtë herë do të kërkojë maksimumin duke pasur edhe mbështetjen e tifozëve e tij.

B.T (Dosja.al)