Sport

Somboslay: "Kam një tatuazh me Steven Gerrard, prandaj zgjodha fanellën nr. 8"

Dominik Soboslay-t iu deshën vetëm minuta për të fituar zemrat e tifozëve të Liverpoolit, pasi u njoftua nënshkrimi i tij, me hungarezin që zbuloi se zgjodhi fanelën me nr 8 për shkak të dashurisë së tij për Gerrard.

3 Korrik 2023, 11:40 Nga DOSJA

ANGLI - Fanela me numër 8 në Liverpool është e lidhur pazgjidhshmërisht me Steven Gerrard, me kapitenin ikonik të “Reds” që e ka veshur atë për plot 11 vjet dhe ka lënë një boshllëk të madh pas largimit të tij.

Nabi Keita “guxoi” ta merrte, por nuk rezultoi sharm për të, po të merret parasysh prania e tij e dobët në pesë vitet që qëndroi në “Anfield”. Megjithatë nga sezoni i ri kjo fanelë do të vishen nga dikush që ka kujtime të forta prej saj në fëmijërinë e tij.

Somboslay: "Kam një tatuazh me Steven Gerrard, prandaj zgjodha

Ky është Dominik Soboslay, mesfushori 22-vjeçar hungarez, i cili të dielën u lajmëruar se kishte nënshkruar një kontratë pesëvjeçare me “Reds” dhe bëri diferencë me deklaratat e tij, duke theksuar se për shkak të Gerrard-it, ai mori fanelën e rëndë me numrin 8 në shpinë.

"Unë kam një tatuazh me Steven Gerrard. Kjo është arsyeja pse e mora edhe fanelën. Kur isha fëmijë, të them të drejtën, nuk shikoja shumë futboll, por kur ishte koha për Champions League shikoja Gerrardin, që ishte një nga më të mirët", tha ai.

Somboslay: "Kam një tatuazh me Steven Gerrard, prandaj zgjodha

Somboslay, i cili, u pyet edhe për Jurgen Klopp, tha me kuptim: "Siç kam thenë edhe në 2020, ai është një nga trajnerët më të mirë në botë. Mënyra se si vepron në fushë, është sikur luan! Gjithashtu, është mbresëlënëse ajo që ka arritur me këtë klub."

B.T (Dosja.al)