Bota

Brazili i shqetësuar se po përdoret si strehë e sigurtë për spiunët rusë

Agjentët e mundshëm të inteligjencës ruse të paraqitur si brazilianë, kanë tërhequr së fundmi vëmendjen e agjencive të inteligjencës amerikane, greke, holandeze dhe norvegjeze

3 Korrik 2023, 09:16 Nga m.s

Brazili i shqetësuar se po përdoret si strehë e sigurtë

SHBA kërkon të ekstradojë Sergey Cherkasov, i fotografuar në vitin 2012, një spiun rus i dyshuar tani i burgosur në Brazil.

RUSI- Agjentët e mundshëm të inteligjencës ruse të paraqitur si brazilianë, kanë tërhequr së fundmi vëmendjen e agjencive të inteligjencës amerikane, greke, holandeze dhe norvegjeze. Në Brazil ka nisur një hetim, për shkak të daljes së informacionit se spiunët rusë po përdorin aktivisht pasaportën e këtij vendi. Kohët e fundit janë raportuar të paktën tre raste të tilla.

"The Wall Street Journal" shkruan se në qershor 2022, inteligjenca holandeze zbuloi spiunin rus Sergei Cherkasov. Ai u përpoq të gjente një punë si praktikant në Gjykatën Penale Ndërkombëtare në Hagë, duke u maskuar si shtetasi brazilian Victor Müller Ferreira. Tani Cherkasov po vuan një dënim 15-vjeçar në Brazil, për përdorimin e dokumenteve false.

Një rast tjetër - një spiun rus pretendonte të ishte braziliani Gerhard Daniel Campos Wittich, jetonte në Rio de Zhaneiro, duke bërë biznes, raporton "Perild".

Më pas, ai u zhduk papritur dhe disa muaj më vonë, inteligjenca greke e identifikoi atë si rusin Shmyrev. Mësohet se ai ka ikur në Rusi me një spiune, e cila gjatë gjithë kësaj kohe ka jetuar me një emër të rremë në Greqi.

“Të gjitha këto raste i shtynë autoritetet braziliane dhe kundërzbulimin të nisin një hetim të madh, për të zbuluar nëse Moska po përdor Brazilin si një lloj “inkubatori” të spiunëve të saj që përpiqen të depërtojnë në Perëndim, shkruan WSJ.

Shkrimi vëren se mund të ketë shumë spiunë rusë që paraqiten si brazilianë, nën emrin e brazilianit Jose Asis Jammaria, i cili punonte në Universitetin e Tromso.