Bota

Biden nis "turne", vjen në Europë 9-13 korrik/ Presidenti i SHBA do të shkojë në Britani, Lituani dhe Finlandë

Buckingham Palace ka njoftuar se Mbreti Charles do të takohet me presidentin amerikan në Kështjellën Windsor më 10 korrik.

2 Korrik 2023, 20:45 Nga k.m.
Biden nis "turne", vjen në Europë 9-13 korrik/ Presidenti i
Joe Biden

SHBA- Presidenti amerikan Joe Biden do të nisë një turne diplomatik në Evropë nga 9 deri më 13 korrik, duke vizituar Britaninë, samitin e NATO-s në Lituani dhe më pas Finlandën, njoftoi Shtëpia e Bardhë. Biden do të takohet me Mbretin Charles III dhe kryeministrin britanik Rishi Sunak në Londër për të "forcuar lidhjet e ngushta" që bashkojnë Britaninë dhe Shtetet e Bashkuara. Lajmin e dha zëdhënësja e tij Karin Jean-Pierre.

Buckingham Palace ka njoftuar se Mbreti Charles do të takohet me presidentin amerikan në Kështjellën Windsor më 10 korrik.

Më pas Biden do të udhëtojë në Vilnius, kryeqytetin e Lituanisë, për të marrë pjesë në samitin e NATO-s më 11 dhe 12 korrik. Për ndalesën e fundit të udhëtimit të tij, në Helsinki, Joe Biden do të shkojë në një samit midis liderëve amerikanë dhe homologëve të tyre nordikë më 13 korrik.

Finlanda u bashkua zyrtarisht në NATO në prill. Vendi kishte aplikuar për t'u bashkuar në shkurt 2022 pas pushtimit të Rusisë në Ukrainë, duke paraqitur kërkesën e tij në të njëjtën kohë me Suedinë. Megjithatë, Stokholmi është ende në pritje.

Përpara udhëtimit të tij, presidenti amerikan do të presë të mërkurën në Shtëpinë e Bardhë kryeministrin suedez Ulf Kristerson për të diskutuar procesin e pranimit të vendit të tij. 

Biden, i cili mori detyrën në Shtëpinë e Bardhë në janar 2021, nuk ka vizituar as Gjermaninë si president i SHBA.

joe biden

Sondazh

Poll

MË SHUMË