Politike

'Unë tregoj muskujt e trurit kundër krimit'/ Incidenti brenda Kolegjit Zgjedhor, Maliqi: Filmova me telefon që t'i kisha si provë

Maliqi tha për mediat se nuk kanë informacion sesa fletë votimi janë, si dhe shtoi se brenda sallës ngriti zërin pasi pa parregullsi.

30 Qershor 2023, 10:23 Nga A.B
'Unë tregoj muskujt e trurit kundër krimit'/ Incidenti
Lefter Maliqi

TIRANË- Numërimi i 18 kutive të Kuçovës është shoqëruar me incidente. Në Kolegjin Zgjedhor ku po mbahet seanca për rinumërimin e 18 kutive të Kuçovës, Lefter Maliqi ofendoi përfaqësuesin e KQZ, Ylli Merkajn, duke i thënë: Rrugaç, hajdut.

Pas daljes nga salla ku po kryhet numërimi, Maliqi tha për mediat se nuk kanë informacion sesa fletë votimi janë, si dhe shtoi se brenda sallës ngriti zërin pasi pa parregullsi. Ai pranoi se filmoi me telefon, por tha se i duhej për provë. 

'Është krim shtetëror, elektoral. Se ca ka në këto 18 kuti nuk e di, sot filloi seanca. Ata marrin dokumentacionin por e kanë bosh për këto 18 kuti. Sekretari ka pasur probleme me avokatët e mi.

Ne nuk e dimë sesa fletë votimi janë. Unë tregoj muskujt e trurit dhe kundër krimit që është bërë. Unë kam qenë gjithmonë i pastër, nuk kam pasur asnjë biznes. Një gjë ta dini Kuçova është e majtë, unë kam mbështetje të majtë dhe të djathtë. Unë e ngrita zërin, unë filmova që nesër ta kisha si provë. Këtu kanë ardhur vëzhgues të tjerë, ai nuk është vëzhgues'- tha Maliqi.

lefter maliqi kolegji zgjedhor 30 qershor 2023

Sondazh

Poll

MË SHUMË