Politike

KQZ i 'bindet' Kolegjit Zgjedhor, nis numërimi i votave në bashkinë Kuçovë, Maliqi: Besoj në transparencë

Kolegji Zgjedhor ka nisur rinumërimin e votave në 18 qendra votimi në Bashkinë Kuçovë.

30 Qershor 2023, 10:14 Nga m.s
KQZ i 'bindet' Kolegjit Zgjedhor, nis numërimi i votave në
rinumerimi i votave

TIRANË- Kolegji Zgjedhor ka nisur rinumërimin e votave në 18 qendra votimi në Bashkinë Kuçovë. Hapja e 18 kutive të Kuçovës ka nisur në orën 9:00, dhe sipas vendimit të gjykatës, ajo do të bëhet në ambientet e KQZ. Ky vendim erdhi pas ankimimit të koalicionit “Bashkë Fitojmë” për rezultatin e kësaj bashkie, në zgjedhjet vendore të 14 Majit.

“Besoj në një transparencë në hapjen e këtyre 18 kutive”, tha kandidati i "Bashkë Fitojmë", Lefter Maliqi. 

Në sallë janë montuar pajisjet për 4 tavolina numërimi. Në seancën e kaluar, kandidati humbës në Kuçovë, Lefter Maliqi, pretendoi një sërë parregullsish në procesin zgjedhor të 14 majit në Kuçovë.

Sipas tij, 18 kutitë që do të rinumërohen kanë qenë jashtë këndit të shikimit të kamerës vëzhguese të KQZ-së në KZAZ-në e Kuçovës.

lefter maliqi

Sondazh

Poll

MË SHUMË